ನವದೆಹಲಿ: ಮದುವೆ ಸಮಾರಂಭದಲ್ಲಿ ಭಾರಿ ಪ್ರಮಾಣದ ಪಟಾಕಿ ಸಿಡಿಸುವ ಮೂಲಕ ಸಾಮಾಜಿಕ ತಾಣದಲ್ಲಿ ತೀವ್ರ ಟೀಕೆಗೆ ಗುರಿಯಾಗಿರುವ ಬಾಲಿವುಡ್ ನಟಿ ಪ್ರಿಯಾಂಕಾ ಚೋಪ್ರಾ ಹಾಗೂ ಅಮೆರಿಕದ ಗಾಯಗ ನಿಕ್ ಜೋನಸ್ ಅವರು ಈಗ ಪ್ರಾಣಿದಯಾ ಸಂಸ್ಥೆ 'ಪೇಟಾ' ಕೆಂಗಣ್ಣಿಗೆ ಗುರಿಯಾಗಿದ್ದಾರೆ.
ಆತ್ಮೀಯ ಪ್ರಿಯಾಂಕಾ ಚೋಪ್ರಾ ಹಾಗೂ ನಿಕ್ ಜೋನಾಸ್ ಅವರಿಗೆ ಮದುವೆಯ ಶುಭಾಶಯಗಳು. ಇತ್ತೀಚಿನ ದಿನಗಳಲ್ಲಿ ಜನ ಆನೆ ಮತ್ತು ಕುದುರೆ ಸವಾರಿ ಮುಕ್ತ ಮದುವೆ ಬಯಸುತ್ತಿದ್ದಾರೆ. ಆದರೆ ನೀವು ಮದುವೆಗಾಗಿ ಆನೆಗಳಿಗೆ ಸರಪಳಿ ಹಾಕಿರುವುದು ಮತ್ತು ಕುದುರೆಗಳನ್ನು ಚಾವಟಿಗೆ ಹಾಗೂ ಮೊನಚಾದ ವಸ್ತುಗಳಿಂದ ನಿಯಂತ್ರಿಸಿರುವುದು ವಿಷಾದಕರ ಎಂದು ಪೇಟಾ ಟ್ವೀಟ್ ಮಾಡಿದೆ.
ಪ್ರಿಯಾಂಕಾ ಚೋಪ್ರಾ ಅವರು ಕಳೆದ ಶನಿವಾರ ರಾಜಸ್ಥಾನದ ಉಮೇದ್ ಭವನದಲ್ಲಿ ಅಮೆರಿಕದ ಪಾಪ್ ಸಿಂಗರ್ ನಿಕ್ ಜೋನಸ್ ಕ್ರೈಸ್ತ ಸಂಪ್ರದಾಯದಂತೆ ಹಾಗೂ ಭಾನುವಾರ ಹಿಂದು ಪದ್ದತಿಯಂತೆ ಹಸೆಮಣೆ ಏರಿದ್ದರು.