ಮುಂಬೈ: ಜಾಗತಿಕ ಮಟ್ಟದಲ್ಲಿ ಮುಂಚೂಣಿಯಲ್ಲಿರುವ ಸಿನಿಮಾ ವೆಬ್ ಸೈಟ್ ಐಎಂಡಿಬಿ ಪ್ರಕಾರ ಬಾಲಿವುಡ್ ನಟಿ ದೀಪಿಕಾ ಪಡುಕೋಣೆ  2018 ಭಾರತೀಯ ಸಿನಿಮಾದ ಟಾಪ್ ಸ್ಟಾರ್  ಆಗಿದ್ದು, ಶಾರೂಖ್ ಖಾನ್ ಅವರನ್ನು ಹಿಂದಿಕ್ಕಿದ್ದಾರೆ.

2018  ಭಾರತೀಯ ಸಿನಿಮಾದ ಟಾಪ್ 10 ಸ್ಟಾರ್ ಗಳ ಪಟ್ಟಿಯನ್ನು ಐಎಂಡಿಬಿ ಬಿಡುಗಡೆ ಮಾಡಿದ್ದು, ಈ ಪೈಕಿ ದೀಪಿಕಾ ಪಡುಕೋಣೆ ಮೊದಲ ಸ್ಥಾನದಲ್ಲಿದ್ದರೆ, ಸೂಪರ್ ಸ್ಟಾರ್ ಶಾರೂಖ್ ಖಾನ್ ಎರಡನೇ ಸ್ಥಾನದಲ್ಲಿದ್ದಾರೆ.  ನಂತರದ ಸ್ಥಾನಗಳಲ್ಲಿ  ಅಮಿರ್ ಖಾನ್, ಐಶ್ವರ್ಯ ರೈ ಬಚ್ಚನ್,  ಸಲ್ಮಾನ್ ಖಾನ್,  ಕತ್ರಿನಾ  ಕೈಪ್,  ಕುಬ್ರಾ ಸೇಠ್, ಇರ್ಪಾನ್ ಖಾನ್, ರಾಧಿಕಾ ಅಪ್ಟೆ ಹಾಗೂ ಅಕ್ಷಯ್ ಕುಮಾರ್ ಇದ್ದಾರೆ.

ಈ ವರ್ಷ ಪದ್ಮಾವತಿ ಚಿತ್ರದಲ್ಲಿ ದೀಪಿಕಾ ಪಡುಕೋಣೆ ಅತ್ಯುತ್ತಮ ರೀತಿಯಲ್ಲಿ ಪ್ರದರ್ಶನ ನೀಡಿರುವುದು ಅವರನ್ನು  ಅಗ್ರ ಸ್ಥಾನ ಪಡೆಯುವಂತೆ ಮಾಡಿದೆ ಎಂದು ಐಎಂಡಿಬಿ  ಮುಖ್ಯಸ್ಥ ನೆಹಾ ಗುರೆಜಾ ಹೇಳಿದ್ದಾರೆ.