ಖಯ್ಯಮ್ ಎಂದೇ ಖ್ಯಾತವಾಗಿದ್ದ ಬಾಲಿವಿಡ್ ನ ಹಿರಿಯ ಸಂಗೀತ ನಿರ್ದೇಶಕ ಮೊಹಮ್ಮದ್ ಜಹುರ್ ಹಶ್ಮಿ ಸೋಮವಾರ ಮುಂಬೈ ಆಸ್ಪತ್ರೆಯಲ್ಲಿ ನಿಧನರಾದರು.ಅವರಿಗೆ 92 ವರ್ಷ ವಯಸ್ಸಾಗಿತ್ತು.
ಕಭಿ ಕಭಿ, ಉಮ್ರಾವ್ ಜಾನ್ ನಂತಹಾ ಪ್ರಸಿದ್ದ ಚಿತ್ರಗಳಿಗೆ ಸಂಗೀತ ನೀಡಿದ್ದ ಖಯ್ಯಮ್ ಜುಹುವಿನ ಸುಜಯ್ ಆಸ್ಪತ್ರೆಯಲ್ಲಿ ಶ್ವಾಸಕೋಶದ ಕಾಯಿಲೆಯಿಂದ ನಿಧನ ಹೊಂದಿದ್ದಾರೆ.
"ಉಸಿರಾಟದ ತೊಂದರೆಗಳು ಮತ್ತು ವಯೋಸಹಜ ಇತರೆ ಖಾಯಿಲೆಗಳ ಕಾರಣ ಅವರನ್ನು ಕೆಲವು ದಿನಗಳ ಹಿಂದೆ ಆಸ್ಪತ್ರೆಗೆ ದಾಖಲಿಸಲಾಗಿತ್ತು. ರಾತ್ರಿ 9.30 ರ ಸುಮಾರಿಗೆ ಅವರು ನಿಧನರಾದರು" ಎಂದು ಕುಟುಂಬದ ಸ್ನೇಹಿತ ಪಿಟಿಐಗೆ ತಿಳಿಸಿದ್ದಾರೆ. ಖಯ್ಯಮ್ ಪತ್ನಿ ಜಗಜೀತ್ ಕೌರ್ ಇದ್ದಾರೆಂದು ಸುದ್ದಿ ಸಂಸ್ಥೆ ಐಎಎನ್ಎಸ್ ವರದಿ ಮಾಡಿದೆ.
17 ನೇ ವಯಸ್ಸಿನಲ್ಲಿ ಸಂಗೀತ ಕ್ಷೇತ್ರಕ್ಕೆ ಕಾಲಿಟ್ಟ ಖಯ್ಯಮ್ ಸಂಗೀತ ನಾಟಕ ಅಕಾಡೆಮಿ ಪ್ರಶಸ್ತಿ ಮತ್ತು ಪದ್ಮಭೂಷಣ ಪ್ರಶಸ್ತಿಗೂ ಭಾಜನರಾಗಿದ್ದರು.ಅಷ್ಟೇ ಅಲ್ಲ, ಅವರಿಗೆ ರಾಷ್ಟ್ರೀಯ ಚಲನಚಿತ್ರ ಪ್ರಶಸ್ತಿ, ಫಿಲ್ಮ್‌ಫೇರ್ ಪ್ರಶಸ್ತಿ ಸಹ ಸಂದಿದೆ.ಕಭಿ ಕಭಿ ಮತ್ತು ಉಮ್ರಾವ್ ಜಾನ್ ಅವರಲ್ಲದೆ, ಅವರ ಇತರ ಇಚಿತ್ರಗಳಾದ ತ್ರಿಶೂಲ್, ನೂರಿ ಆಂಡ್ ಶೋಲಾ ಔರ್ ಶಬನಮ್ ಚಿತ್ರಗಳಿಗೆ ಅವರ ಸಂಗೀತ ನಿಡಿದ್ದು ಜನಪ್ರಿಯವಾಗಿದೆ.
ನಟಿ ಮೀನಾ ಕುಮಾರಿ ಅವರ ಆಲ್ಬಂ ಐ ರೈಟ್, ಐ ರೆಸೈಟ್ ಗೆ ಸಹ ಖಯ್ಯಮ್ ಸಂಗೀತ ಸಂಯೋಜನೆ ಮಾಡಿದ್ದರು.
ಹಿರಿಯ ಸಂಗೀತ ನಿರ್ದೇಶಕರ ನಿಧನಕ್ಕೆ ಪ್ರಧಾನಿ ನರೇಂದ್ರ ಮೋದಿ, ಲತಾ ಮಂಗೇಷ್ಕರ್ ಸೇರಿ ಹಲವಾರು ಖ್ಯಾತನಾಮರು ಮತ್ತು ರಾಜಕಾರಣಿಗಳೂ ಕಂಬನಿ ಮಿಡಿದಿದ್ದಾರೆ.
With #KhayyamSahab passing away today at 9.30 pm at #Sujoyhospital . Standing besides him along with @salim_merchant & @TalatAziz2 can’t believe an era has come to an end. A great loss to the musical world. May his soul rest in peace.