ಬ್ಯಾಂಡ್ಮಿಂಟನ್ ಸ್ಟಾರ್ ಪಿವಿ ಸಿಂಧೂ ಪಾತ್ರದಲ್ಲಿ ದೀಪಿಕಾ ಪಡುಕೋಣೆ?

ನವದೆಹಲಿ: ಬಾಲಿವುಡ್ ಡಿಂಪಲ್ ಗರ್ಲ್ ದೀಪಿಕಾ ಪಡುಕೋಣೆ ಬೆಳ್ಳಿ ತೆರೆಯ ಮೇಲೆ ಬ್ಯಾಡ್ಮಿಂಟನ್ ತಾರೆ ಪಿ.ವಿ.ಸಿಂಧು ಆಗಿ ಕಾಣಿಸಿಕೊಳ್ಳುವ ಸಾಧ್ಯತೆ ಇದೆ.

ಪಿ.ವಿ.ಸಿಂಧು ಜೀವನಾಧಾರಿತ ಚಿತ್ರ ತೆರೆಗೆ ಬರಲು ಸಜ್ಜಾಗಿದ್ದು, ಸಿಂಧು ಆಗಿ ದೀಪಿಕಾ ಪಡುಕೋಣೆ ನಟಿಸಲಿ ಎಂಬುದು ಬಹುಭಾಷಾ ನಟ ಸೋನು ಸೂದ್ ಅವರ ಆಸೆಯಂತೆ. ಈಗಾಗಲೇ ಚಿತ್ರಕಥೆ ಬರೆಯುವ ಕಾರ್ಯ ಪೂರ್ಣಗೊಂಡಿದ್ದು, ನಟಿಯ ಹುಡುಕಾಟದಲ್ಲಿ ಚಿತ್ರತಂಡ ಎಂದು ಸುದ್ದಿಗಾರರಿಗೆ ತಿಳಿಸಿದ್ದಾರೆ. 

ಇನ್ನು ಸೋನು ಸೂದ್  ತಾವು ಚಿತ್ರದಲ್ಲಿ ಗೋಪಿಚಂದ್ ಪಾತ್ರದಲ್ಲಿ ಕಾಣಿಸಿಕೊಳ್ಲುತ್ತಿದ್ದಾರೆ ಎನ್ನಲಾಗಿದೆ. 

“ಕೆಲವೇ ತಿಂಗಳುಗಳಲ್ಲಿ ವಿಶ್ವ ದರ್ಜೆಯ ಬ್ಯಾಡ್ಮಿಂಟನ್ ಆಡಲು ನೀವು ಯಾರಿಗಾದರೂ ಕಲಿಸಲು ಸಾಧ್ಯವಿಲ್ಲ. ಆದರೆ ಪ್ರಧಾನ ಪಾತ್ರಧಾರಿ ಇದನ್ನು ಚೆನ್ನಾಗಿ ಅರಿತುಕೊಳ್ಳಬೇಕಾಗಿದ್ದದ್ದು ಅಗತ್ಯ. ಹಾಗಾಗಿ ಈ ಸವಾಲಿನ ಪಾತ್ರವನ್ನು ನಿರ್ವಹಿಸಲು ದೀಪಿಕಾ ಪಡುಕೋಣೆ ಯಾವಾಗಲೂ ನಮ್ಮ ಮೊದಲ ಆಯ್ಕೆಯಾಗಿದೆ ಮತ್ತು ಅದು ಇಂದಿಗೂ ನಿಜವಾಗಿದೆ ”ಎಂದು ಸೂದ್ ಹೇಳಿದ್ದಾರೆ

ಇನ್ನು ದೀಪಿಕಾಗೆ ಇನ್ನೂ ಅಂತಿಮ ಸ್ಕ್ರಿಪ್ಟ್ ನೀಡಿಲ್ಲ, ಒಂದೊಮ್ಮೆ ನಿಡಿದಲ್ಲಿ ಅವರು ಸಿಂಧೂ ಅವರ ಜೀವನಚರಿತ್ರೆ ಆಧಾರಿತ ಚಿತ್ರದ ಭಾಗವಾಗಲು ಒಪ್ಪುತ್ತಾರೆ ಎಂದು ಅವರು ವಿಶ್ವಾಸ ವ್ಯಕ್ತಪಡಿಸಿದ್ದಾರೆ.