ಸಂಜು, ರಾಝಿ, ಉರಿ: ಸರ್ಜಿಕಲ್ ಸ್ಟ್ರೈಕ್ ಚಿತ್ರಗಳಲ್ಲಿ ಪವರ್ ಪ್ಯಾಕ್ಡ್ ನಟನೆ ಮಾಡಿದ್ದ ವಿಕಿ ಕೌಶಲ್, ಈಗ ಸ್ಯಾಮ್ ಚಿತ್ರದಲ್ಲಿ ಫೀಲ್ಡ್ ಮಾರ್ಷಲ್ ಮಾಣಿಕ್ ಷಾ ಅವರ ಪಾತ್ರದಲ್ಲಿ ನಟಿಸುತ್ತಿದ್ದಾರೆ. 

ಮಾಣಿಕ್ ಷಾ ಅವರ ಪಾತ್ರದಲ್ಲಿರುವ ವಿಕಿ ಕೌಶಲ್ ಫಸ್ಟ್ ಲುಕ್ ಬಿಡುಗಡೆಯಾಗಿದ್ದು,  ಇನ್ಸ್ಟಾಗ್ರಾಮ್ ನಲ್ಲಿ ವಿಕ್ ಕೌಶಲ್ ಫೋಟೊವನ್ನು ಹಂಚಿಕೊಂಡಿದ್ದಾರೆ. 

ರಾಝಿ ಚಿತ್ರದ ನಿರ್ದೇಶಕರಾದ ಮೇಘನಾ ಗುಲ್ಜರ್ ಅವರ ನಿರ್ದೇಶನದಲ್ಲಿ ಸ್ಯಾಮ್ ಚಿತ್ರ ತಯಾರಾಗುತ್ತಿದೆ.

ಮಾಣಿಕ್ ಷಾ ಅವರ ಪಾತ್ರಕ್ಕೆ ತಯಾರಾಗಿರುವ ಫೋಟೊವನ್ನು ಹಂಚಿಕೊಂಡಿರುವ ವಿಕಿ ಕೌಶಲ್, ಈ ನಿರ್ಭೀತ ದೇಶಭಕ್ತನ ಪಯಣವನ್ನು ಹೇಳುವ ಚಿತ್ರದಲ್ಲಿ ನಟನೆ ಮಾಡುತ್ತಿರುವ ಅವಕಾಶ ಸಿಕ್ಕಿರುವುದು ಗೌರವ, ಭಾವನಾತ್ಮಕ ಮತ್ತು ಹೆಮ್ಮೆಯ ವಿಷಯವಾಗಿದೆ ಎಂದು ಹೇಳಿದ್ದಾರೆ. ಮೇಘನಾ ಕೂಡ ವಿಕಿ ಕೌಶಲ್ ನ ಫಸ್ಟ್ ಲುಕ್ ನ್ನು ಹಂಚಿಕೊಂಡಿದ್ದು, ಯೋಧರ ಯೋಧ ಎಂದು ಮಾಣಿಕ್ ಷಾ ಅವರನ್ನು ಸ್ಮರಿಸಿದ್ದಾರೆ.