ನವದೆಹಲಿ: ಮಾ.21 ರಂದು ಬಿಡುಗಡೆಯಾದ ಕೇಸರಿ ಸಿನಿಮಾ ಬಾಕ್ಸ್ ಆಫೀಸ್ನಲ್ಲಿ ದಾಖಲೆ ನಿರ್ಮಿಸಿದ್ದು 3 ದಿನಗಳ ಕಲೆಕ್ಷನ್ ನಲ್ಲಿ  ಉರಿ ಸಿನಿಮಾ ದಾಖಲೆಯನ್ನೂ ಹಿಂದಿಕ್ಕಿದೆ. 

2019 ರಲ್ಲಿ ತೆರೆ ಕಂಡ ಬಹುನಿರೀಕ್ಷಿತ ಸಿನಿಮಾ ಬಾಕ್ಸ್ ಆಫೀಸ್ ನಲ್ಲಿ ಸಖತ್ ಸದ್ದು ಮಾಡುತ್ತಿದ್ದು ತೆರೆ ಕಂಡ ಮೂರೇ ದಿನಗಳಲ್ಲಿ 56 ಕೋಟಿ ರೂಪಾಯಿಗಳನ್ನು ಕಲೆಕ್ಷನ್​ ಮಾಡಿದೆ.

ಸಿನಿಮಾ ವಿಮರ್ಶಕ, ಟ್ರೇಡ್ ಅನಾಲಿಸ್ಟ್ ತರಣ್ ಆದರ್ಶ್ ಟ್ವಿಟರ್ ನಲ್ಲಿ ಈ ಬಗ್ಗೆ ಮಾಹಿತಿ ನೀಡಿದ್ದು, ಕೇವಲ ಮೂರೇ ದಿನಗಳಲ್ಲಿ 56 ಕೋಟಿ ಕಲೆಕ್ಷನ್ ಮಾಡಿದೆ ಎಂದು ಹೇಳಿದ್ದಾರೆ. 10,000 ಅಫ್ಘನ್ನರ ವಿರುದ್ಧ1897 ರಲ್ಲಿ 21 ಜನರಿದ್ದ ಸಿಖ್ ಸೇನೆ ಸರಗರ್ಹಿ ಯುದ್ಧ ಮಾಡಿದ್ದ ಐತಿಹಾಸಿಕ ಘಟನೆಯನ್ನು ಆಧರಿಸಿ ಕೇಸರಿ ಸಿನಿಮಾವನ್ನು ನಿರ್ಮಿಸಲಾಗಿದೆ.