ಮುಂಬೈ: ಕಿಚ್ಚ ಸುದೀಪ್ ಅಭಿನಯಿಸಿದ್ದ ಚಂದು ಚಿತ್ರದಲ್ಲಿ ಸೊಂಟದ ವಿಷ್ಯ ಬೇಡವೋ ಶಿಷ್ಯ, ಸೊಂಟಕ್ಕಿಂತ ವಾಸಿಕಣೋ ಗುಂಡಿನ ದಾಸ್ಯ ಫೇಮಸ್ ಹಾಡೊಂದಿತ್ತು. ಈ ಸೊಂಟವನ್ನು ನೋಡಿ ಹಳ್ಳಕ್ಕೆ ಬೀಳದವರೆ ಇಲ್ಲ ಎಂದು ಹೇಳಬಹುದು. ಅದೇ ರೀತಿ ಸಾರ್ವಜನಿಕವಾಗಿ ಬಾಲಿವುಡ್ ನಟಿ ದೀಪಿಕಾ ಪಡುಕೋಣೆ ಅವರ ಸೊಂಟವನ್ನು ನೋಡುತ್ತಿರುವ ಫೋಟೋವನ್ನು ನಟ ರಣವೀರ್ ಸಿಂಗ್ ಶೇರ್ ಮಾಡಿದ್ದು ಈ ಫೋಟೋ ಇದೀಗ ಸಖತ್ ವೈರಲ್ ಆಗಿದ್ದು ರಣವೀರ್ ಈ ಕೃತ್ಯಕ್ಕೆ ದೀಪಿಕಾ ಖಡಕ್ ಉತ್ತರ ನೀಡಿದ್ದಾರೆ.
2013ರಲ್ಲಿ ರಾಮ್ ಲೀಲಾ ಚಿತ್ರದ ಚಿತ್ರೀಕರಣದ ವೇಳೆ ರಣವೀರ್ ಸಿಂಗ್ ದೀಪಿಕಾ ಪಡುಕೋಣೆ ಅವರ ಸೊಂಟವನ್ನು ನೋಡುತ್ತಿರುವ ಫೋಟೋವನ್ನು ಈ ತಮ್ಮ ಇನ್ ಸ್ಟಾಗ್ರಾಂನಲ್ಲಿ ಹಾಕಿ ಈ ಫೋಟೋಗೆ ಯಾವುದೇ ಕ್ಯಾಪ್ಶನ್ ಅಗತ್ಯವಿಲ್ಲ ಎಂದು ಬರೆದುಕೊಂಡಿದ್ದರು. ಈ ಫೋಟೋ ವೈರಲ್ ಆಗಿತ್ತು.
ಇದಕ್ಕೆ ದೀಪಿಕಾ ಪಡುಕೋಣೆ ಖಡಕ್ ಆಗಿ ಪ್ರತಿಕ್ರಿಯಿಸಿದ್ದು ಏಳು ವರ್ಷವಾಗಿದೆ. ಆದರೆ ಹೀಗಲೂ ಏನು ಬದಲಾವಣೆಯಾಗಿಲ್ಲ ಎಂದು ಕಮೆಂಟ್ ಮಾಡಿ ಜೊತೆಗೆ ಹೃದಯದ ಎಮೋಜಿಯನ್ನು ಹಾಕಿದ್ದಾರೆ.
ಸದ್ಯ ಈ ಫೋಟೋವನ್ನು ಬರೋಬ್ಬರಿ 23 ಲಕ್ಷಕ್ಕೂ ಹೆಚ್ಚು ಜನರು ನೋಡಿದ್ದಾರೆ. ದೀಪಿಕಾ ಮತ್ತು ರಣವೀರ್ ಸಿಂಗ್ 2018ರ ನವೆಂಬರ್ 15ರಂದು ಇಟಲಿಯಲ್ಲಿ ದಾಂಪತ್ಯ ಜೀವನಕ್ಕೆ ಕಾಲಿಟ್ಟಿದ್ದರು.