ಬಾಲಿವುಡ್ ನಟಿ ಕಂಗನಾ ರನೌತ್ ಇಂಡಿಯಾ ಟುಡೆ ಮೈಂಡ್ ರಾಕ್ಸ್ 2019 ರಲ್ಲಿ ಭಾಗವಹಿಸಿ ಮಾತನಾಡಿದ್ದು, ಹುಬ್ಬೇರಿಸುವ ಹೇಳಿಕೆ ನೀಡಿದ್ದಾರೆ. 

ಕಾರ್ಯಕ್ರಮದಲ್ಲಿ ಭಾಗವಹಿಸಿ ಮಾತನಾಡಿರುವ ಕಂಗನಾ, ತಮ್ಮ ಮೊದಲ ಕ್ರಶ್ ಹಾಗೂ ಜೀವನದ ಹಲವು ಸಂಗತಿಗಳ ಬಗ್ಗೆ ಮಾತನಾಡಿದ್ದಾರೆ. ಲೈಂಗಿಕತೆಯನ್ನು ನಮ್ಮ ದೇಶದಲ್ಲಿ ಅಪರಾಧವೆಂಬಂತೆ ಪರಿಗಣಿಸಲಾಗುತ್ತದೆ. ಸೆಕ್ಸ್ ಪ್ರತಿಯೊಬ್ಬರ ಜೀವನದಲ್ಲೂ ಮಹತ್ವದ ಸಂಗತಿ, ಸೆಕ್ಸ್ ಬೇಕು ಎನಿಸಿದಲ್ಲಿ ಮಾಡಿಬಿಡಿ, ಅದಕ್ಕಾಗಿ ಕೊರಗುತ್ತಿರಬೇಡಿ ಎಂದು ಹೇಳಿದ್ದಾರೆ. 

ಹಿಂದಿನ ಕಾಲದಲ್ಲೆಲ್ಲಾ ನಿಮಗೆ ನಿರ್ದಿಷ್ಟ ವ್ಯಕ್ತಿಯನ್ನು ವಿವಾಹವಾಗುವಂತೆ ಹೇಳುತ್ತಿದ್ದರು.  ಭಾವನೆಗಳನ್ನು ಆ ವ್ಯಕ್ತಿಯ ಜೊತೆಗೆ ಹಂಚಿಕೊಳ್ಳಬೇಕಾಗುತ್ತಿತ್ತು. ಇತಿಹಾಸದಲ್ಲಿನ ಆಕ್ರಮಣಗಳಿಂದಾಗಿ ಜನರ ಚಿಂತನೆಗಳಲ್ಲಿ ’ಧರ್ಮಗ್ರಂಥಗಳಲ್ಲಿ ಸೆಕ್ಸ್ ನ್ನು ಬಹಿಷ್ಕಾರಿಸಬೇಕೆಂಬುದು ಉಳಿದುಹೋಗಿದೆ. ಮಕ್ಕಳು ಜವಾಬ್ದಾರಿಯುತ ಸೆಕ್ಸ್ ನಲ್ಲಿ ತೊಡಗಿದರೆ ಪೋಷಕರು ಸಂತಸಪಡಬೇಕು, ನಾನು ಲೈಂಗಿಕವಾಗಿ ಸಕ್ರಿಯಳಾಗಿದ್ದೇನೆಂಬುದನ್ನು ತಿಳಿದ ನನ್ನ ಪೋಷಕರು ಅಘಾತಕ್ಕೊಳಗಾಗಿದ್ದರು. ಲೈಂಗಿಕ ಕ್ರಿಯೆಯಲ್ಲಿ ತೊಡಗಲು ಪೋಷಕರು ಪ್ರೋತ್ಸಾಹಿಸಬೇಕು ಎಂದು ಕಂಗನಾ ಅಭಿಪ್ರಾಯಪಟ್ಟಿದ್ದಾರೆ.