ಕಳೆದ ಜನವರಿಯಲ್ಲಿ ಉದ್ಯಮಿ ವರುಣ್ ಮಣಿಯನ್ ಜತೆ ನಿಶ್ಚಿತಾರ್ಥ ಮಾಡಿಕೊಂಡಿದ್ದ ಬಹು ಭಾಷಾ ನಟಿ ತ್ರಿಶಾ ಅವರ ನಡುವಿನ ಸಂಬಂಧ ಹಳಸಿದ್ದು, ಪರಿಣಾಮ ವಿವಾಹ ಸಂಬಂಧ ಮುರಿದು ಬಿಳಲಿದೆ ಎನ್ನಲಾಗಿದೆ.
ಜನವರಿ ತಿಂಗಳಿನಲ್ಲಿ ನಿಶ್ಚಿತಾರ್ಥ ಮಾಡಿಕೊಂಡಿದ್ದ ಈ ಜೋಡಿ ಇದೇ ವರ್ಷದ ಕೊನೆಯಲ್ಲಿ ಸಪ್ತಪದಿ ತುಳಿಯುವುದಾಗಿ ತಿಳಿಸಿದ್ದರು.
ಉದ್ಯಮಿ ವರುಣ್ ಮಣಿಯನ್ ತಮ್ಮ ಭಾವಿ ಪತ್ನಿಗಾಗಿ ಸಿನಿಮಾವೊಂದರ ನಿರ್ಮಾಣಕ್ಕೆ ಮುಂದಾಗಿದ್ದು, ಇದು ತಮ್ಮ ಪತ್ನಿಗೆ ನೀಡುತ್ತಿರುವ ಉಡುಗೊರೆ ಎಂದಿದ್ದರು. ಆದರೆ ಇದೀಗ ಇವರಿಬ್ಬರ ನಡುವಿನ ಸಂಬಂಧ ಬಿರುಕು ಬಿಟ್ಟಿದೆ ಎನ್ನಲಾಗಿದ್ದು ಕಳೆದ ಒಂದು ತಿಂಗಳಿನಿಂದ ಇವರ ಮದುವೆ ಬಗ್ಗೆಯಾಗಲಿ ಯಾವುದೇ ಟ್ವೀಟ್ ಮಾಡಿಕೊಂಡಿಲ್ಲ.
ವರುಣ್ ನಿರ್ಮಾಣದಲ್ಲಿ ಮೂಡಿಬರಲಿದ್ದ ಸಿನಿಮಾದಿಂದ ತ್ರಿಶಾ ಸಹ ಹೊರಬಂದಿದ್ದು, ತನಗೆ ಡೇಟ್ಸ್ ಸಮಸ್ಯೆಯಾಗಿದೆ ಎನ್ನುವ ಮೂಲಕ ಭಿನ್ನ ರಾಗ ಹಾಡಿದ್ದಾರೆ. ಆದರೆ ಈ ಜೋಡಿಯಾಗಲೀ ಅಥವಾ ಅವರ ಕುಟುಂಬ ವರ್ಗದವರಾಗಲೀ ಯಾರೂ ಸಹ ಈ ಬಗೆಗೆ ಯಾವುದೇ ಅಧಿಕೃತ ಹೇಳಿಕೆ ನೀಡಿಲ್ಲ.