ಚೆನ್ನೈ: ಖ್ಯಾತ ನಟ ನಿರ್ದೇಶಕ ಕಮಲ ಹಾಸನ್ ಅವರ ತಮಿಳು ಚಲನಚಿತ್ರ 'ಪಾಪನಾಸಂ' ಶುಕ್ರವಾರ ಬಿಡುಗಡೆಗೆ ಸಿದ್ಧವಾಗಿದ್ದು, ಸಿನೆಮಾಗಳಲ್ಲಿ ನನ್ನ ನಂಬಿಕೆಗಳನ್ನು ಹೇರಲು ಬಯಸುವುದಿಲ್ಲ ಎಂದು ಅವರು ತಿಳಿಸಿದ್ದು ಹಾಗೇನಾದರೂ ಮಾಡಿದರೆ ಅತಿ ಸೂಕ್ಷ್ಮವಾಗಷ್ಟೇ ಮಾಡುತ್ತೇನೆ ಎಂದಿದ್ದಾರೆ.

"ಪಾಪನಾಸಂ ಪ್ರೋಮೊ ವಿಡಿಯೋಗಳು ಬಿಡುಗಡೆಯಾದಾಗಲಿಂದಲೂ, ನಾಸ್ತಿಕನಾಗಿದ್ದೂ ಸಿನೆಮಾದಲ್ಲಿ ಹಣೆಯ ಮೇಲೆ ವಿಭೂತಿ ಹಚ್ಚಿಕೊಂಡಿರುವುದೇಕೆ ಎಂದು ಕೇಳುತ್ತಾರೆ. ನಾನು ನಾಸ್ತಿಕ ಒಪ್ಪಿಕೊಳ್ಳುತ್ತೇನೆ. ಆದರೆ ಅದು ನನ್ನ ವೈಯಕ್ತಿಕ ನಂಬಿಕೆ, ಸಿನೆಮಾ ಬೇರೆ. ನನ್ನ ನಂಬಿಕೆಗಳನ್ನು ಸಿನೆಮಾಗಳಲ್ಲಿ ಹೇರಲು ಬಯಸುವುದಿಲ್ಲ" ಎಂದು ಹಾಸನ್ ತಿಳಿಸಿದ್ದಾರೆ.

"ನನ್ನ ವೈಯಕ್ತಿಕ ನಂಬಿಕೆಗಳನ್ನು ಸಿನೆಮಾದಲ್ಲಿ ಅಳವಡಿಸಿದರು ಬಹಳ ಸೂಕ್ಷ್ಮವಾಗಿ ಮಾಡುತ್ತೇನೆ" ಎಂದಿರುವ ಅವರು ತೆರೆಯ ಮೇಲೆ ಎಂದಿಗೂ ಜಾತಿಯನ್ನು ವೈಭವೀಕರಿಸುವುದಿಲ್ಲ ಎಂದಿದ್ದಾರೆ.

ಮಲಯಾಳಮ್ ಸಿನೆಮಾ ದೃಶ್ಯಂ ಸಿನೆಮಾದ ರಿಮೇಕ್ ಪಾಪನಾಸಂ. ಇದರಲ್ಲಿ ಕಮಲ್ ಕೇಬಲ್ ಆಪರೇಟರ್ ಪಾತ್ರ ನಿರ್ವಹಿಸಿದ್ದಾರೆ.

ನಿರ್ದೇಶಕ ಜಿತು ಜೋಸೆಫ್ ನಿರ್ದೇಶನದ ಈ ಸಿನೆಮಾದಲ್ಲಿ ಕಮಲ್ ಅವರ ಪತ್ನಿ ಗೌತಮಿ ಕೂಡ ನಟಿಸಿದ್ದಾರೆ.