ಲಾಸೇಂಜಲೀಸ್: ನಟ ಬ್ರ್ಯಾಡ್ ಪಿಟ್ ಮತ್ತು ಅವರ ಪತ್ನಿ ನಟಿ ಎಂಜಲಿನ ಜೋಲಿ ಅವರು ಗ್ರೀಸ್ ನ ಜಿಯಾದಲ್ಲಿ ಸ್ವಂತಕ್ಕೆ ದ್ವೀಪವೊಂದನ್ನು ೪.೭ ದಶಲಕ್ಷ ಡಾಲರ್ ಗಳಿಗೆ ಕೊಂಡುಕೊಳ್ಳಲಿದ್ದಾರೆ ಎಂದು ಎಂದು ತಿಳಿದುಬಂದಿದೆ.
"ಏಂಜಿ (ಎಂಜಲಿನ ಜೋಲಿ) ಆ ದ್ವೀಪಕ್ಕೆ ಮನಸೋತುಹೋದಳು. ಸ್ವತಂತ್ರ ಫೋಟೋಗ್ರಾಫರ್ ಗಳ ತೊಂದರೆ ಇಲ್ಲದೆ ಮಕ್ಕಳು ಈಗ ಸುಲಭವಾಗಿ ಓಡಾಡಿಕೊಂಡು ಆಟವಾಡಬಹುದು" ಎಂದು ಬ್ರ್ಯಾಡ್ ಪಿಟ್ ಹೇಳಿದ್ದಾರೆ ಎಂದು ಅಂತರ್ಜಾಲ ತಾಣವೊಂದು ವರದಿ ಮಾಡಿದೆ.
೪೩ ಎಕರೆ ಜಾಗದ ಈ ದ್ವೀಪದಲ್ಲಿ ಆರು ಮಕ್ಕಳಿರುವ ಈ ಜೋಡಿ, ಆರು ವಿಲ್ಲಗಳನ್ನು ಕಟ್ಟಲು ಈಗಾಗಲೇ ಪರವಾನಗಿ ಪಡೆದಿದ್ದಾರೆ ಎಂದು ತಿಳಿದುಬಂದಿದೆ.
ಪ್ಯಾರಿಸ್ ಗೆ ಸಾಮಾನ್ಯ ದರ್ಜೆಯ ಆಸನದಲ್ಲಿ ಕುಳಿತು ಪಿಟ್ ಮತ್ತು ಜೋಲಿ ತೆರಳುವಾಗ ಈ ಸುದ್ದಿ ವರದಿಯಾಗಿದೆ.