ಬೆತ್ತನಗೆರೆ ಸಿನೆಮಾ ಸ್ಟಿಲ್ 
ಸಿನಿಮಾ ಸುದ್ದಿ

ರೌಡಿ ಸಹೋದರರ ಮೇಲೆ ಮಾಡಿದ ಸಿನೆಮಾಗೆ ೧೦೩ ಕಡೆ ಕತ್ತರಿ

ಬೆತ್ತನಗೆರೆ ಸೀನ ಮತ್ತು ಬೆತ್ತನಗೆರೆ ಶಂಕರ ಎಂಬ ರೌಡಿಗಳನ್ನು ತಮ್ಮ ಸಿನೆಮಾದ ವಿಷಯವಾಗಿ ಆಯ್ಕೆ ಮಾಡಿಕೊಂಡದ್ದಕ್ಕೆ ಸಿನೆಮಾ ನಿರ್ದೇಶಕರು ಭಾರಿ ದಂಡ

ಬೆಂಗಳೂರು: ಬೆತ್ತನಗೆರೆ ಸೀನ ಮತ್ತು ಬೆತ್ತನಗೆರೆ ಶಂಕರ ಎಂಬ ರೌಡಿಗಳನ್ನು ತಮ್ಮ ಸಿನೆಮಾದ ವಿಷಯವಾಗಿ ಆಯ್ಕೆ ಮಾಡಿಕೊಂಡದ್ದಕ್ಕೆ ಸಿನೆಮಾ ನಿರ್ದೇಶಕರು ಭಾರಿ ದಂಡ ತೆತ್ತಬೇಕಾಗಿ ಬಂದಿದೆ. ೧೦೩ ಕಡೆ ಕತ್ತರಿ ಮತ್ತು ನಾಲ್ಕು ಲಕ್ಷ ರೂ.

ಚಲನಚಿತ್ರ ಶೀರ್ಷಿಕೆಯಿಂದಲೇ ಬದಲಾವಣೆ ಮಾಡಬೇಕಾಗಿ ಬಂದಿದೆ ಎನ್ನುತ್ತಾರೆ ನಿರ್ದೇಶಕ ಮೋಹನ್ ಗೌಡ ಬಿ. ಮೊದಲು ಚಿತ್ರದ ಶೀರ್ಷಿಕೆ ಬೆತ್ತನಗೆರೆ ಸೀನ ಎಂದಿತ್ತು ಅದನ್ನು 'ಬೆತ್ತನಗೆರೆ' ಎಂದು ಬದಲಾಯಿಸಿದ್ದೇವೆ ಎನ್ನುತ್ತಾರೆ ಗೌಡ.

ಸೀನ ಹೆಸರಿನ ಪಾತ್ರವನ್ನು ಈಗ ಶಿವ ಎಂತಲೂ ಶಂಕರನನ್ನು ಶೇಖರ ಎಂತಲೂ ಬದಲಾಯಿಸಲಾಗಿದೆ. ಹೆಸರುಗಳನ್ನು ೪೦ ಕಡೆ ಬದಲಾಯಿಸಬೇಕಾಗಿ ಬಂತು. "ಅವರು ಸ್ಥಳದ (ನೆಲಮಂಗಲ) ಹೆಸರನ್ನೂ ಬದಲಾಯಿಸಲು ಕೂಡ ತಿಳಿಸಿದರು. ಬಂಡಿ ಬಂಡಿ ಜಾರೋ ಬಂಡಿ ಹಾಡಿನ ಸಂಪೂರ್ಣ ಗೀತ ಸಾಹಿತ್ಯವನ್ನು ಬದಲಾಯಿಸಬೇಕಾಯಿತು ಏಕೆಂದರೆ ಮಹಿಳೆಯ ದೇಹವನ್ನು ಸರಿಯಾಗಿ ಬಿಂಬಿಸಿಲ್ಲ ಎಂಬದು ಸೆನ್ಸಾರ್ ಮಂಡಲಿಯ ವಾದ" ಎನ್ನುತ್ತಾರೆ ಮೋಹನ್.

೧೫೦ ನಿಮಿಷಗಳ ಸಿನೆಮಾ ಈಗ ೧೨೫ ನಿಮಿಷಕ್ಕೆ ಇಳಿದಿದೆ. "ನಾವು ಮರುಚಿತ್ರೀಕರಣ ಮಾಡಲಿಲ್ಲ ಆದರೆ ಬಹಳಷ್ಟು ಹಣ ಮತ್ತು ಸಮಯವನ್ನು ವ್ಯಯಿಸಿದ್ದೇವೆ. ಈ ಬದಲಾವಣೆಗಳು ಬಹುತೇಕ ಡಬ್ಬಿಂಗ್ ಸ್ಟುಡಿಯೋದಲ್ಲಿ ನಡೆದದ್ದು ಮತ್ತು ಇದಕ್ಕೆ ನಾಲ್ಕು ಲಕ್ಷ ವ್ಯಯಿಸಿದ್ದೇವೆ" ಎನ್ನುತ್ತಾರೆ ನಿರ್ದೇಶಕ.

ನಿರ್ದೇಶಕ ಇದು ಕಾಲ್ಪನಿಕ ಸಿನೆಮಾ ಎಂದು ಹೇಳುತ್ತಾರೆ ಆದರೆ ನಿಜ ವ್ಯಕ್ತಿಗಳ ಮತ್ತು ಸ್ಥಳಗಳ ಹೆಸರುಗಳನ್ನು ಬಳಸಿದ್ದಾರೆ. ನಿರ್ದೇಶಕರು ಅದೇ ಕುಟುಂಬದ ಸದಸ್ಯರಾಗಿದ್ದು ನಿಜವಾದ ಹೆಸರುಗಳನ್ನು ಬಳಸುವಂತಿಲ್ಲ ಎಂದು ತಿಳಿದಿರಬೇಕಿತ್ತು ಎಂದಿದ್ದಾರೆ ಸೆನ್ಸಾರ್ ಮಂಡಲಿಯ ಪ್ರಾದೇಶಿಕ ಅಧ್ಯಕ್ಷ ಎನ್ ನಾಗೇಂದ್ರ.

Follow KannadaPrabha channel on WhatsApp

  

KannadaPrabha News app ಡೌನ್‌ಲೋಡ್ ಮಾಡಿ, ಇತ್ತೀಚಿನ ಸುದ್ದಿಗಳ ಅಪ್ಡೇಟ್ಸ್ ಪಡೆಯಿರಿ

 

Subscribe to KannadaPrabha YouTube Channel and watch Videos

ಜಮ್ಮುವಿನಲ್ಲಿ ಭೀಕರ ಮಳೆಯಿಂದ ಭಾರೀ ಅನಾಹುತ ಸೃಷ್ಟಿ: ವೈಷ್ಣೋದೇವಿ ಮಾರ್ಗದಲ್ಲಿ ಭೂಕುಸಿತ, ಕನಿಷ್ಠ 13 ಮಂದಿ ಸಾವು

ದೇಶಾದ್ಯಂತ ಗಣೇಶ ಚತುರ್ಥಿ ಸಂಭ್ರಮ: ದೇವಾಲಯಗಳಲ್ಲಿ ವಿಶೇಷ ಪೂಜೆ, ರಾಷ್ಟ್ರಪತಿ, ಪ್ರಧಾನಿ, ಮುಖ್ಯಮಂತ್ರಿಗಳಿಂದ ಶುಭಾಶಯ

ಧರ್ಮಸ್ಥಳ ಕೇಸ್: ತನಿಖೆ ಶೀಘ್ರಗತಿ ಪೂರ್ಣಗೊಳಿಸಲು SIT ಪ್ರಯತ್ನ; ಗೃಹ ಸಚಿವ ಡಾ.ಜಿ.ಪರಮೇಶ್ವರ್

ಕೃಷ್ಣಾ ಮೇಲ್ದಂಡೆ ಯೋಜನೆ-3: ಸರ್ವಪಕ್ಷ ನಾಯಕರೊಂದಿಗೆ ಶೀಘ್ರದಲ್ಲೇ ಸಭೆ; ಡಿಕೆ.ಶಿವಕುಮಾರ್

ಇಬ್ಬರು ಕೇಂದ್ರ ಸಚಿವರು ಸೇರಿದಂತೆ 75 ಸದಸ್ಯರ GBA ಸೆ. 2 ರಿಂದ ಅಸ್ತಿತ್ವಕ್ಕೆ: ಯತೀಂದ್ರ ಸಿದ್ದರಾಮಯ್ಯಗೂ ಸ್ಥಾನ!

SCROLL FOR NEXT