ತಿರುವನಂತಪುರಂ: ಮಲಯಾಳಂನ ಹಿರಿಯ ನಟ ಜಗನ್ನಾಥ ವರ್ಮಾ ಅವರು ವಿಧಿವಶರಾಗಿದ್ದಾರೆ. 

ವಯೋ ಸಹಜ ಕಾಯಿಲೆಯಿಂದ ಬಳಲುತ್ತಿದ್ದ 77 ವರ್ಷದ ಜಗನ್ನಾಥ ವರ್ಮಾ ಅವರನ್ನು ಕೆಲ ದಿನಗಳ ಹಿಂದೆ ಆಸ್ಪತ್ರೆಗೆ ದಾಖಲಿಸಲಾಗಿತ್ತು. ಇಂದು ಚಿಕಿತ್ಸೆ ಫಲಕಾರಿಯಾಗದೇ ಅವರು ವಿಧಿವಶರಾಗಿದ್ದಾರೆ. 

ಜಗನ್ನಾಥ ವರ್ಮಾ ಅವರು ಸರಿಸುಮಾರು 200 ಚಿತ್ರಗಳು ಹತ್ತಾರು ಧಾರವಾಹಿಗಳಲ್ಲಿ ಅಭಿನಯಿಸಿದ್ದಾರೆ. ಚಿತ್ರರಂಗಕ್ಕೂ ಮುನ್ನ ಜಗನ್ನಾಥ ವರ್ಮಾ ಅವರು ಕೇರಳ ಪೊಲೀಸ್ ಇಲಾಖೆಯಲ್ಲಿ ಸೇವೆ ಸಲ್ಲಿಸಿದ್ದರು. ಸೂಪರಿಂಡೆಂಟ್ ಆಫ್ ಪೊಲೀಸ್ ರ್ಯಾಂಕ್ ನೊಂದಿಗೆ ನಿವೃತ್ತರಾಗಿದ್ದ ಅವರು ನಂತರ ಚಿತ್ರರಂಗದಲ್ಲಿ ಸಕ್ರಿಯರಾಗಿದ್ದರು. 

ಜಗನ್ನಾಥ ಅವರು ಹೆಚ್ಚಾಗಿ ಪೊಲೀಸ್ ಅಧಿಕಾರಿ, ಕ್ರೈಸ್ತ ಪಾದ್ರಿ, ಬಿಷಪ್ ಮತ್ತು ಹಿಂದು ಆರ್ಚಕ ಪಾತ್ರಗಳಲ್ಲಿ ಕಾಣಿಸಿಕೊಂಡಿದ್ದಾರೆ.