ಹೈದರಾಬಾದ್: ಬಾಲಿವುಡ್ ಗಿಂತಲೂ ದೊಡ್ಡದಾದ ದಕ್ಷಿಣ ಭಾರತ ಚಿತ್ರರಂಗ ಎಲ್ಲ ಅತ್ಯುನ್ನತ ಸಿನೆಮಾ ಪ್ರಶಸ್ತಿಗಳನ್ನು ಗಳಿಸುತ್ತಿರುವುದಕ್ಕೆ ಅತೀವ ಸಂತಸವಾಗಿದೆ ಎಂದಿದ್ದಾರೆ ಕನ್ನಡ ಸೂಪರ್ ಸ್ಟಾರ್ ಶಿವರಾಜಕುಮಾರ್.
"ಭಾರತೀಯ ಚಿತ್ರರಂಗದಲ್ಲಿ ದಕ್ಷಣ ಭಾರತ ಚಿತ್ರರಂಗಕ್ಕೆ ಮಹತ್ವದ ಪಾತ್ರವಿದೆ. ನನ್ನ ಅಭಿಪ್ರಾಯದ ಪ್ರಕಾರ ಇದು ಬಾಲಿವುಡ್ ಗಿಂತಲೂ ದೊಡ್ಡದು. ಹಿಂದಿ ಸಿನೆಮಾ ಶುರುವಾಗಿದ್ದು ಕೂಡ ದಕ್ಷಿಣದ ಚೆನ್ನೈನಲ್ಲೇ" ಎಂದು ಐ ಐ ಎಫ್ ಎ ಉತ್ಸವದಲ್ಲಿ ವರದಿಗಾರರಿಗೆ ತಿಳಿಸಿದ್ದಾರೆ.
ದಕ್ಷಿಣ ಭಾರತದ ಚಿತ್ರರಂಗದ ಪ್ರತಿಭೆಗಳನ್ನು ಗುರುತಿಸಿ ಸನ್ಮಾನಿಸುವ ಎರಡು ದಿನಗಳ ಕಾರ್ಯಕ್ರಮ ಇದಾಗಿದೆ.