ಸೂಪರ್ ಸ್ಟಾರ್ ರಜನಿಕಾಂತ್ ಅಭಿನಯದ ರೋಬೋ(ಎಂದಿರನ್) ಮುಂದುವರೆದ ಭಾಗ 2.0 ಚಿತ್ರದಲ್ಲಿ ರಜನಿ ಮೂರು ಪಾತ್ರಗಳಲ್ಲಿ ಅಭಿನಯಿಸುತ್ತಿದ್ದಾರೆ. 

ರೋಬೋ ಮೊದಲ ಆವೃತ್ತಿಯಲ್ಲಿ ವಿಜ್ಞಾನಿ ವಸೀಗರನ್ ಮತ್ತು ಚಿಟ್ಟಿ ಎರಡು ಪಾತ್ರಗಳಲ್ಲಿ ರಜನಿ ಅಭಿನಯಿಸಿದ್ದು, ಮುಂದುವರೆದ ಭಾಗದಲ್ಲಿ ಮತ್ತೊಂದು ಅವತಾರದಲ್ಲಿ ರಜನಿಕಾಂತ್ ಕಾಣಿಸಿಕೊಳ್ಳಲಿದ್ದಾರಂತೆ. ಇನ್ನು ಚಿತ್ರದಲ್ಲಿ ಒಂದು ಹಾಡು ಇರಲ್ಲಿದ್ದು ಇದು ರಜನಿ ಹಾಗೂ ನಾಯಕ ನಟಿ ಆ್ಯಮಿ ಜಾಕ್ಸನ್ ನಡುವಿನ ಡ್ಯೂಯೇಟ್ ಸಾಂಗ್ ಆಗಿರಲಿದೆ. 

ಈ ಚಿತ್ರದಲ್ಲಿ ಬಾಲಿವುಡ್ ನಟ ಅಕ್ಷಯ್ ಕುಮಾರ್ ವಿಲನ್ ಪಾತ್ರದಲ್ಲಿ ಕಾಣಿಸಿಕೊಂಡಿದ್ದಾರೆ. ಚಿತ್ರಕ್ಕೆ ಆಸ್ಕರ್ ಪ್ರಶಸ್ತಿ ವಿಜೇತ ಎಆರ್ ರೆಹಮಾನ್ ಸಂಗೀತ ಸಂಯೋಜಿಸುತ್ತಿದ್ದಾರೆ. 

ಚಿತ್ರದ ಫಸ್ಟ್ ಲುಕ್ ಬಿಡುಗಡೆ ಕಾರ್ಯಕ್ರಮ ನವೆಂಬರ್ 20ರಂದು ಮುಂಬೈನಲ್ಲಿ ನಡೆಯಲಿದೆ.