ವ್ಯಾಂಕೋವರ್: ವ್ಯಾಂಕೂವರ್ ಗೋಲ್ಡನ್ ಪಾಂಡಾ ಅಂತರಾಷ್ಟ್ರೀಯ ಚಲನಚಿತ್ರೋತ್ಸವದಲ್ಲಿ  ಭಾರತೀಯ ಕಿರುಚಿತ್ರ "ದಿ ಸ್ಕೂಲ್ ಬ್ಯಾಗ್" ಅತ್ಯುತ್ತಮ ಕಿರು ಚಿತ್ರ ಪ್ರಶಸ್ತಿಯನ್ನು ಪಡೆದುಕೊಂಡಿದೆ. ಧೀರಜ್ ಜಿಂದಾಲ್ ಈ ಕಾಲ್ಪನಿಕ ಕಿರುಚಿತ್ರದ ನಿರ್ದೇಶಕರಾಗಿದ್ದಾರೆ.

"ನಾವು ಚಿರ ನಿರ್ಮಾಣಕ್ಕೆ ತೊಡಗಿದಾಗ ನಮಗೆ ಈ ಚಿತ್ರ ಇಷ್ಟೊಂದು ಜನಪ್ರಿಯತೆ ಗಳಿಸಬಹುದು, ಪ್ರಶಸ್ತಿ ಗೆಲ್ಲಬಹುದೆನ್ನುವ ಯಾವ ನಿರೀಕ್ಷೆಯೂ ಇರಲಿಲ್ಲ. ಇದೀಗ ಚಿತ್ರವು ಸಾಕಷ್ಟು ಜನರನ್ನು ತಲುಪಿದೆ. ಥ್ಯಾಂಕ್ಯೂ ವ್ಯಾಂಕೋವರ್!" ಜಿಂದಾಲ್ ಹೇಳಿದ್ದಾರೆ.

ಪ್ರಶಸ್ತಿ ಪ್ರಧಾನ ಸಮಾರಂಭವು ಡಿ.10ರಂದು ನಡೆದಿದ್ದು ಪ್ರಶಸ್ತಿಯು ಚಿತ್ರ ತಂಡದ ಏಳು ದಿನದ ಚೀನಾ ಪ್ರವಾಸದ ಖರ್ಚನ್ನೂ ಒಳಗೊಂಡಿದೆ

ಈ ಹಿಂದೆ ಲಾಹೋರ್ ಅಂತರಾಷ್ಟ್ರೀಯ ಮಕ್ಕಳ ಚಲನಚಿತ್ರೋತ್ಸವದಲ್ಲಿ "ಸ್ಕೂಲ್ ಬ್ಯಾಗ್" ಅತ್ಯುತ್ತಮ ಕಿರು ಚಿತ್ರ ಪ್ರಶಸ್ತಿಯನ್ನು ಗೆದ್ದಿದೆ. ಜಿಂದಾಲ್ ಅಮೆರಿಕಾದ ಸಿನ್ಸಿನಾಟಿ ಭಾರತೀಯ ಚಲನಚಿತ್ರೋತ್ಸವದಲ್ಲಿ ಅತ್ಯುತ್ತಮ ನಿರ್ದೇಶಕ ಪ್ರಶಸ್ತಿಯನ್ನು ಪಡೆದುಕೊಂಡಿದ್ದಾರೆ. ಚಿತ್ರದಲ್ಲಿ, ನಟಿ ರಸಿಕಾ ದುಗಲ್  ಏಳು ವರ್ಷದ ಬಾಲಕನ ತಾಯಿಯಾಗಿ ಅಭಿನಯಿಸಿದ್ದಾರೆ