ಬೆಂಗಳೂರು: 'ದಯವಿಟ್ಟು ಗಮನಿಸಿ' ಸಿನೆಮಾದ ಅಸಾದುಲ್ಲಾ ಹಾಡು ವೈರಲ್ ಆಗಿದ್ದು, ನಟಿ ಮೇಘನಾ ರಾಜ್ ಅವರ ಸಂತೋಷಕ್ಕೆ ಪಾರವೇ ಇಲ್ಲ. ಈಗ ಅವರ ಹಲವು ಅಭಿಮಾನಿಗಳು ಅವರನ್ನು ಹಾಲಿವುಡ್ ನಟಿ ಮರ್ಲಿನ್ ಮನ್ರೋಗೆ ಹೋಲಿಸುತ್ತಿರುವುದು ಕೂಡ ವಿಶೇಷ.

ಮೇಘನಾ ತಮ್ಮ ಮೊದಲ ಅತಿಥಿ ಪಾತ್ರದಲ್ಲಿ ಜಾಜ್ ಗಾಯಕಿಯಾಗಿ ಕಾಣಿಸಿಕೊಂಡಿದ್ದಾರೆ. ಮರ್ಲಿನ್ ಜೊತೆಗಿನ ಹೋಲಿಕೆಯ ಬಗ್ಗೆ ನಾಚಿಕೊಳ್ಳುವ ನಟಿ "ಇದು ಮಚ್ಚೆಯ ಸಂಬಂಧ. ಮರ್ಲಿನ್ ಮತ್ತು ನನಗೆ ತುಟಿಯ ಬಳಿ ಮಚ್ಚೆ ಇದೆ. ಈ ಅಂಶ ಅಭಿಮಾನಿಗಳನ್ನು ಸೆಳೆದಿದೆ" ಎಂದು ನಗುತ್ತಾರೆ.

ನಿರ್ದೇಶಕ ರೋಹಿತ್ ಪದಕಿಗಾಗಿ ಈ ಹಾಡಿನಲ್ಲಿ ಅಭಿನಯಿಸಿದೆ ಎನ್ನುವ ಅವರು "ಈ ಹಾಡನ್ನು ರೋಹಿತ್ ಗಾಗಿಯೇ ಮಾಡಿದ್ದು. ಅವರ ಕೆಲಸಗಳ ಬಗ್ಗೆ ನನಗೆ ಪ್ರೀತಿ. ಮತ್ತು ಈ ಹಾಡನ್ನು ನನಗಾಯಿಯೇ ಸೃಷ್ಟಿಸಿದ್ದು ಎಂದು ಅವರು ಹೇಳಿದಾಗ ನಾನು ಥ್ರಿಲ್ ಆದೆ. ಜಾಜ್ ಗಾಯಕಿಯಾಗುವ ನನ್ನ ಕನಸು ಕೂಡ ಈ ಮೂಲಕ ನನಸಾಗಿದೆ" ಎನ್ನುತ್ತಾರೆ ಮೇಘನಾ. 

ಈ ಹಾಡನ್ನು ನೋಡಿ ಹಿರಿಯ ನಟಿ ಸುಮಲತಾ ಕೂಡ ಪ್ರಶಂಸೆ ವ್ಯಕ್ತಪಡಿಸಿದ್ದು "ಬಹಳ ಚೆನ್ನಾಗಿ ಮೂಡಿ ಬಂದಿದೆ. ಮುದ್ದಾಗಿದೆ ಹಾಡು. ದಯವಿಟ್ಟು ಈ ಹಾಡನ್ನು ಗಮನಿಸಿ ಕೇಳಿಸ್ಕೊಳ್ಳಿ..." ಎಂದು ಬರೆದಿದ್ದಾರೆ. 

ಮೇಘನಾ ಸದ್ಯಕ್ಕೆ ಗುರುದತ್ ನಿರ್ದೇಶನದ ಉಪೇಂದ್ರ ಅವರ 'ನಾಗಾರ್ಜುನ' ಸಿನೆಮಾದಲ್ಲಿ ನಟಿಸಲು ಸಿದ್ಧರಾಗುತ್ತಿದ್ದಾರೆ.