ಕನ್ನಡಕ್ಕೆ ರಂಗೀತರಂಗದಂತ ಅದ್ಭುತ ಚಿತ್ರ ನೀಡಿದ ಭಂಡಾರಿ ಬ್ರದರ್ಸ್ ಇದೀಗ ರಾಜರಥ ಚಿತ್ರದಲ್ಲಿ ತೊಡಗಿಕೊಂಡಿದ್ದಾರೆ. ಈ ಮಧ್ಯೆ ಬಿಡುವಿನ ವೇಳೆಯಲ್ಲಿ ಭಂಡಾರಿ ಬ್ರದರ್ಸ್ ಕ್ರಿಕೆಟ್ ಆಡುವ ಮೂಲಕ ತಮ್ಮ ದೇಹವನ್ನು ಸದೃಢವಾಗಿಟ್ಟುಕೊಳ್ಳುತ್ತಾರಂತೆ.
ಇತ್ತೀಚೆಗೆ ಅಮೆರಿಕದ ಮಿಚಿಂಗನ್ ನಲ್ಲಿ ನಡೆದ ಟ್ರೋಯ್ ಕ್ರಿಕೆಟ್ ಅಸೋಸಿಯೇಷನ್ ಟೂರ್ನಿಯಲ್ಲಿ ಭಾಗವಹಿಸಿರುವುದಾಗಿ ಭಂಡಾರಿ ಬ್ರದರ್ಸ್ ಹೇಳಿಕೊಂಡಿದ್ದಾರೆ. ಈ ಮಧ್ಯೆ ಕ್ರಿಕೆಟ್ ಜೆರ್ಸಿಯಲ್ಲಿ ಫೋಸ್ ಕೊಟ್ಟಿರುವ ಚಿತ್ರಗಳನ್ನು ಪ್ರಕಟಿಸಿದ್ದಾರೆ.
ಮೈಸೂರು ಝೋನ್ ಜೂನಿಯರ್ ಲೆವೇಲ್ ತಂಡವನ್ನು ಪ್ರತಿನಿಧಿಸಿದ್ದು ಅಂಡರ್ 19 ಕರ್ನಾಟಕ ಪ್ರೀ ಯುನಿವರ್ಸಿಟಿ ಟೀಮ್ ನ ನಾಯಕನಾಗಿದೆ ಎಂದು ಅನೂಪ್ ಭಂಡಾರಿ ಹೇಳಿದ್ದಾರೆ. ಇನ್ನು ಸಹೋದರ ನಿರೂಪ್ ಭಂಡಾರಿ ಅಂಡರ್ 16 ಕರ್ನಾಟಕ ಪ್ರೀ ಯುನಿವರ್ಸಿಟಿ ತಂಡದಲ್ಲಿ ಆಡಿದ್ದ. ಮುಂದೆ ಇಂಜಿನಿಯರಿಂಗ್ ಕೋರ್ಸ್ ತೆಗೆದುಕೊಂಡಿದ್ದರಿಂದ ಕ್ರಿಕೆಟ್ ಗಾಗಿ ಹೆಚ್ಚಿನ ಸಮಯವನ್ನು ಮೀಸಲಿಡಲು ಸಾಧ್ಯವಾಗಿರಲಿಲ್ಲ ಎಂದು ಹೇಳಿದ್ದಾರೆ.
ಟೀಂ ಇಂಡಿಯಾದ ಗೋಡೆ ಎಂದೇ ಖ್ಯಾತಿ ಪಡೆದಿರುವ ರಾಹುಲ್ ದ್ರಾವಿಡ್ ರೀತಿ ಸಹೋದರ ನಿರೂಪ್ ಬ್ಯಾಟ್ ಬೀಸುತ್ತಾನೆ. ಮೂರನೇ ಕ್ರಮಾಂಕದಲ್ಲಿ ಆಡುವ ನಿರೂಪ್ ಕವರ್ ಡ್ರೈವ್ ಮತ್ತು ಆನ್ ಡ್ರೈವ್ ಗಳು ದ್ರಾವಿಡ್ ರಂತೆ ಆಡುತ್ತಾನೆ ಎಂದು ಅನೂಪ್ ಹೇಳಿದ್ದಾರೆ.