ಕಾಂಟ್ರಾಕ್ಟ್ ಮತ್ತು ರಾಜೇಂದ್ರ ಪೊನ್ನಪ್ಪ ಚಿತ್ರಗಳಲ್ಲಿ ಬ್ಯುಸಿಯಾಗಿರುವ ನಟಿ ರಾಧಿಕಾ ಕುಮಾರಸ್ವಾಮಿ ಭೈರದೇವಿ ಚಿತ್ರದ ನಿರ್ಮಾಣದಲ್ಲಿ ಕೂಡ ತೊಡಗಿದ್ದಾರೆ. ಶ್ರಿಜೈ ನಿರ್ದೇಶನದ ಚಿತ್ರವಾಗಿರುವ ಭೈರದೇವಿಯನ್ನು ಶಮಿಕಾ ಎಂಟರ್ ಪ್ರೈಸಸ್ ನಡಿ ನಿರ್ಮಿಸಲಾಗುತ್ತಿದ್ದು ಕನ್ನಡ, ತೆಲುಗು ಮತ್ತು ತಮಿಳು ಮೂರು ಭಾಷೆಗಳಲ್ಲಿ ತಯಾರಾಗುತ್ತಿದೆ.
ಚಿತ್ರದ ಶೂಟಿಂಗ್ ಭರದಿಂದ ಸಾಗುತ್ತಿದ್ದು ರಮೇಶ್ ಅರವಿಂದ್ ಅವರ ಭಾಗದ ಚಿತ್ರೀಕರಣ ನಡೆಯುತ್ತಿದೆ. ಚಿತ್ರದ ಕೆಲವು ಫೋಟೋಗಳನ್ನು ರಾಧಿಕಾ ಸಿಟಿ ಎಕ್ಸ್ ಪ್ರೆಸ್ ಜೊತೆ ಹಂಚಿಕೊಂಡಿದ್ದಾರೆ. ಮೇ 7ರ ವೇಳೆಗೆ ರಮೇಶ್ ಅರವಿಂದ್ ಅವರ ಭಾಗದ ಚಿತ್ರೀಕರಣವನ್ನು ಮುಗಿಸಬೇಕಿದೆ. ಯಾಕೆಂದರೆ ನಂತರ ಅವರು ಹಲವು ಕೆಲಸಗಳಲ್ಲಿ ಬ್ಯುಸಿಯಾಗುತ್ತಾರೆ. ಅವರ ಭಾಗದ ಚಿತ್ರದ ಹಲವು ದೃಶ್ಯಗಳನ್ನು ಈಗ ಚಿತ್ರೀಕರಿಸಲಾಗುತ್ತಿದ್ದು ಕೆಲವೊಂದು ಭಾಗದ ಚಿತ್ರೀಕರಣವನ್ನು ನಂತರ ಮಾಡಬಹುದು ಎಂದು ರಾಧಿಕಾ ಹೇಳುತ್ತಾರೆ.
ಕಾಫಿ ಶಾಪ್ ಗಳು, ಕಾಲೇಜುಗಳು, ಆಸ್ಪತ್ರೆಗಳು ಮತ್ತು ರಾಧಿಕಾ ಮನೆಯ ಭಾಗದ ಚಿತ್ರೀಕರಣಗಳು ನಡೆಯುತ್ತಿವೆ. ಬಾಲ ಕಲಾವಿದೆ ಗ್ರೀಷ್ಮಾರ ಭಾಗವನ್ನು ಕೂಡ ಚಿತ್ರೀಕರಿಸಲಾಗಿದೆ. ಈ ಮಧ್ಯೆ ರಾಧಿಕಾ ರವಿಚಂದ್ರನ್ ಜೊತೆಗೆ ರಾಜೇಂದ್ರ ಪೊನ್ನಪ್ಪದ ಚಿತ್ರೀಕರಣದಲ್ಲಿ ಕೂಡ ತೊಡಗಿದ್ದಾರೆ. ಚಿತ್ರಕ್ಕೆ ಪೂರಕವೆಂಬಂತೆ ಫೋಟೋ ಶೂಟ್ ವೊಂದರಲ್ಲಿ ಕೂಡ ಭಾಗಿಯಾಗಿದ್ದಾರೆ.
ಭೈರದೇವಿ ಚಿತ್ರದಲ್ಲಿ ಆಪ್ತಮಿತ್ರದ ಛಾಯೆ ಕಾಣಬಹುದು. ಚಿತ್ರದಲ್ಲಿ ಸ್ಕಂದ ಅಶೋಕ್ ಮತ್ತು ಅನು ಪ್ರಭಾಕರ್ ಕೂಡ ಇದ್ದಾರೆ.