ಬಿಗ್‍ಬಾಸ್‍ನಿಂದ ಹೊರಬಂದ ನಂತರ ಅಗಂಬಾವಮ್(ಅಹಂಕಾರ) ಚಿತ್ರದಲ್ಲಿ ಬ್ಯುಸಿಯಾಗಿರುವ ದಕ್ಷಿಣ ಭಾರತದ ನಟಿ ನಮಿತಾ ಪ್ರತಿಯೊಬ್ಬರು ಬಾಹುಬಲಿ ಅಥವಾ 2.0 ಈ ರೀತಿಯ ಚಿತ್ರಗಳನ್ನು ಮಾಡಲು ಸಾಧ್ಯವಿಲ್ಲ ಎಂದು ಹೇಳಿದ್ದಾರೆ.
ದಿ ನ್ಯೂ ಇಂಡಿಯನ್ ಎಕ್ಸ್ ಪ್ರೆಸ್ ಜತೆ ಸಂದರ್ಶನದಲ್ಲಿ ಮಾತನಾಡಿದ ನಮಿತಾ ಅವರು 2017ರ ತಮಿಳು ಬಿಗ್ ಬಾಸ್ ನಲ್ಲಿ ಪಾಲ್ಗೊಂಡ ನಂತರ ಸುಮ್ಮನಾಗಿದ್ದ ಅವರು ಇದೀಗ ಅಗಂಬಗಂ ಚಿತ್ರದಲ್ಲಿ ನಟಿಸುತ್ತಿದ್ದಾರೆ. ಈ ಚಿತ್ರದಲ್ಲಿ ನಟಿ ಪತ್ರಕರ್ತೆ ಪಾತ್ರದಲ್ಲಿ ಕಾಣಿಸಿಕೊಳ್ಳಲಿದ್ದಾರೆ.
2016ರಲ್ಲಿ ಪುಲಿಮುರುಗನ್ ಚಿತ್ರದಲ್ಲಿ ಅಭಿನಯಿಸಿದ ನಂತರ ನಮಿತಾ ದೊಡ್ಡ ಬ್ರೇಕ್ ತೆಗೆದುಕೊಂಡು ಇದೀಗ ಮತ್ತೇ ಚಿತ್ರರಂಗಕ್ಕೆ ಮರಳಿದ್ದಾರೆ. ನಮಿತಾ ಕನ್ನಡ, ತಮಿಳು, ತೆಲುಗು ಹಾಗೂ ಮಲಯಾಳಂ ಸೇರಿದಂತೆ ಒಟ್ಟು 40 ಚಿತ್ರಗಳಲ್ಲಿ ಅಭಿನಯಿಸಿದ್ದಾರೆ.
ಬಿಗ್ ಬಾಸ್ ನನ್ನ ಜೀವನವನ್ನು ತೀವ್ರವಾಗಿ ಬದಲಾಯಿಸಿತು. ಅಲ್ಲಿನ ಬಹಳಷ್ಟು ಸಂಗತಿಗಳು ಕಹಿ-ಸಿಹಿಯಾಗಿವೆ ಆದರೆ ಅವು ಯಾವುದರ ಬಗ್ಗೆ ನನಗೆ ವಿಷಾದವಿಲ್ಲ. ಇನ್ನು ಬಿಗ್ ಬಾಸ್ ಮನೆಯಿಂದ ನಮಿತಾ 28ನೇ ದಿನಕ್ಕೆ ಹೊರಬಂದಿದ್ದರು.
ಇನ್ನು ಸಣ್ಣ ಬಜೆನ್ ನ ಚಿತ್ರಗಳಲ್ಲಿ ಹೆಚ್ಚಾಗಿ ನಟಿಸುತ್ತಿದ್ದೀರಾ ಎಂಬುದಕ್ಕೆ ಎಲ್ಲರ ಕೈಯಲ್ಲೂ ಬಾಹುಬಲಿ ಅಥವಾ 2.0 ಅಂತ ಚಿತ್ರಗಳನ್ನು ನಿರ್ಮಾಣ ಮಾಡಲು ಸಾಧ್ಯವಿಲ್ಲ. ಹೀಗಾಗಿ ನಾನು ಸಣ್ಣ ಬಜೆಟ್ ಚಿತ್ರಗಳಲ್ಲಿ ಮಾತ್ರ ಅಭಿನಯಿಸುತ್ತಿದ್ದೇನೆ. ಪ್ರತಿಯೊಬ್ಬರು ರಜನಿಕಾಂತ್ ಅಥವಾ ಕಮಲ್ ಹಾಸನ್ ಆಗಲಾರರು ಎಂದರು.