ಪವರ್ ಸ್ಟಾರ್ ಪುನೀತ್ ರಾಜ್ ಕುಮಾರ್ ವೃತ್ತಿ ಜೀವನದಲ್ಲಿ ಇದೇ ಮೊದಲ ಬಾರಿಗೆ ಎಂಬಂತೆ  ನಟ ಸಾರ್ವಭೌಮ ಚಿತ್ರದಲ್ಲಿ ಪಾರ್ಟಿಯಲ್ಲಿ ಕುಡಿತದ ಮೇಲಿನ ಹಾಡಿಗೆ ಸ್ಟೆಪ್ ಹಾಕಿದ್ದಾರೆ.

ಈ ಹಾಡು ಬಿಡುಗಡೆಯಾದ ಕೇವಲ ಒಂದು ಗಂಟೆಯಲ್ಲೇ ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗಿದ್ದು,  ಕೆಲವರು ಇಷ್ಟಪಟ್ಟರೆ , ಮತ್ತೆ ಕೆಲವರು ಆ ರೀತಿಯ ಚಿತ್ರ ಮಾಡಬೇಡಿ ಎಂದು ಕೇಳಿಕೊಂಡಿದ್ದಾರೆ.

ನೃತ್ಯ ಸಂಯೋಜಕ ಜಾನಿ ಅವರೊಂದಿಗೆ  ಪುನೀತ್ ರಾಜ್ ಕುಮಾರ್ ಈ  ಟ್ರಾಕ್ ಗೆ ಸ್ಟೆಪ್ ಹಾಕುತ್ತಾರೆ. ಯೋಗ ರಾಜ್ ಭಟ್  ಬರೆದಿರುವ ಈ ಗೀತೆಯನ್ನು ಕುಡಿತದ ಚಟ ತಪ್ಪು ಎಂದು ಅರಿತ ಅನೇಕ ಜನರು ಮೆಚ್ಚಿಕೊಂಡಿದ್ದಾರೆ. ಬೆಳಗ್ಗೆ 3 ಗಂಟೆಯವರೆಗೂ ಕುಳಿತು ಈ ಗೀತೆ ಸಂಯೋಜನೆ ಮಾಡಲಾಗಿದೆ ಎಂದು ನಿರ್ದೇಶಕ ಪವನ್ ಒಡೆಯರ್ ತಿಳಿಸಿದ್ದಾರೆ.