ಒಂಥರಾ ಬಣ್ಣಗಳು ಚಿತ್ರತಂಡವನ್ನು ಭೇಟಿ ಮಾಡಿ ಮಾತನಾಡುವ ಅವಕಾಶವಿದೆ. ಪ್ರಯಾಣದ ಸಾರಾಂಶವನ್ನಿಂಟುಕೊಂಡು ಮಾಡುತ್ತಿರುವ ಸಿನಿಮಾವಾಗಿರುವುದರಿಂದ ಚಿತ್ರತಂಡ ಕೂಡ ಅದೇ ರೀತಿಯ ಪ್ರಚಾರ ಮಾಡುವ ಉತ್ಸುಕತೆಯಲ್ಲಿದೆ. ಬೆಂಗಳೂರಿನಿಂದ ಮೈಸೂರಿಗೆ 30 ನಟರು ಮತ್ತು ತಂತ್ರಜ್ಞರ ತಂಡ ರಾಯಲ್ ಎನ್ ಫೀಲ್ಡ್ ಬೈಕ್ ನಲ್ಲಿ ಪ್ರಯಾಣಿಸಲಿದೆ.

ಬೆಂಗಳೂರಿನಿಂದ ಬೈಕ್ ನಲ್ಲಿ ಪ್ರಯಾಣ ಆರಂಭಿಸಿ ಚಿತ್ರತಂಡ ಬಿಡದಿ, ರಾಮನಗರ, ಚನ್ನಪಟ್ಟಣ, ಮದ್ದೂರು, ಮಂಡ್ಯ, ಮೈಸೂರು ಆಗಿ ಚಾಮುಂಡಿ ಬೆಟ್ಟದಲ್ಲಿ ಪ್ರಯಾಣವನ್ನು ಮುಕ್ತಾಯಗೊಳಿಸಲಿದೆ.

ಸುನಿಲ್ ಭೀಮರಾವ್ ನಿರ್ದೇಶನದಲ್ಲಿ ಕಿರಣ್ ಶ್ರೀನಿವಾಸ್, ಸೋನು ಗೌಡ, ಹಿತಾ ಚಂದ್ರಶೇಖರ್, ಪ್ರತಾಪ್ ನಾರಾಯಣ್ ಮೊದಲಾದವರು ಅಭಿನಯಿಸಿದ್ದಾರೆ. ಬಿಜೆ ಭರತ್ ಸಂಗೀತ ನಿರ್ದೇಶನ ಮತ್ತು ಮನೋಹರ್ ಜೋಶಿ ಅವರ ಛಾಯಾಗ್ರಹಣ ಚಿತ್ರಕ್ಕಿದೆ.