ಬೆಂಗಳೂರು: ಪುನೀತ್ ನಟನೆಯ ನಟಸೌರ್ವಭೌಮ ಸಿನಿಮಾ ಶೂಟಿಂಗ್ ಶೀಘ್ರವೇ ಪೂರ್ಣಗೊಳಿಸಿ ನವೆಂಬರ್ 20 ರೊಳಗೆ ನಿರ್ಮಾಪಕ ರಾಕ್ ಲೈನ್ ವೆಂಕಟೇಶ್ ಅವರಿಗೆ ಚಿತ್ರದ ಮೊದಲ ಕಾಪಿ ನೀಡುವುದಾಗಿ ನಿರ್ದೇಶಕ ಪವನ್ ಒಡೆಯರ್ ಹೇಳಿದ್ದಾರೆ.
ಕಳೆದ ವಾರ ಮೇಲುಕೋಟೆಯಲ್ಲಿ ಕ್ಲೈಮ್ಯಾಕ್ಸ್ ಫೈಟಿಂಗ್ ಪೂರ್ಣಗೊಂಡಿದೆ, ಇನ್ನೂ ಎರಡು ಹಾಡುಗಳ ಚಿತ್ರೀಕರಣ ಮಾತ್ರ ಬಾಕಿಯಿದೆ.
ಪರಮೇಶ್ವರನ್, ರಚಿತಾರಾಮ್. ಚಿಕ್ಕಣ್ಣ ಹಾಗೂ ರವಿಶಂಕರ್ ಸೇರಿದಂತೆ ಹಲವು ನಟಿಸಿದ್ದಾರೆ, ಡಿ. ಇಮ್ಮಾನ್ ಚಿತ್ರಕ್ಕೆ ಸಂಗೀತ ನೀಡಿದ್ದಾರೆ.
ಉಳಿದ ಎರಡು ಹಾಡುಗಳ ಶೂಟಿಂಗ್ ಗಾಗಿ ಲೋಕೇಶನ್ ಇನ್ನೂ ಫೈನಲ್ ಆಗಿಲ್ಲ, ಅಕ್ಟೋಬರ್ ತಿಂಗಳ ಅಂತ್ಯಕ್ಕೆ ಶೂಟಿಂಗ್ ಫೈನಲ್ ಆಗಿದೆ. ಹಾಡುಗಳ ಶೂಟಿಂಗ್ ಭಾರತ ಮತ್ತು ವಿದೇಶದಲ್ಲಿ ನಡೆಯಲಿದೆ, ಇದೊಂದು ಸಾಹಸ ಪ್ರಧಾನವಾದ ಮನರಂಜನೆಯ ಸಿನಿಮಾವಾಗಿದೆ, ಪವರ್ ಸ್ಟಾರ್ ಮತ್ತು ಪೀಟರ್ ಹೇನ್ ಸ್ಟಂಟ್ಸ್ ಚಿತ್ರದ ಹೈಲೈಟ್ ಆಗಿದೆ.