ನಿರ್ದೇಶಕ ಹರ್ಷ ಅವರ ನಿಖಿಲ್ ಕುಮಾರ್ ನಟನೆಯ ಸೀತಾರಾಮ ಕಲ್ಯಾಣ ಚಿತ್ರದ ಶೂಟಿಂಗ್ ಅಂತಿಮ ಹಂತ ತಲುಪಿದ್ದು ಚಿತ್ರದ ಪ್ರಮುಖ ಭಾಗವನ್ನು ಊಟಿಯಲ್ಲಿರುವ 174 ವರ್ಷಗಳ ಹಳೆಯ ಫೆರ್ನ್ ಹಿಲ್ಸ್ ರಾಯಲ್ ಅರಮನೆಯಲ್ಲಿ ಶೂಟಿಂಗ್ ಮಾಡಲಾಯಿತು. 10 ದಿನಗಳ ಶೂಟಿಂಗ್ ಮೊನ್ನೆ ಮುಗಿದಿದೆ.

ಶೂಟಿಂಗ್ ನ ಪ್ರಮುಖ ಫೋಟೋ ಸಿಟಿ ಎಕ್ಸ್ ಪ್ರೆಸ್ ಗೆ ಲಭ್ಯವಾಗಿದ್ದು ನಿಖಿಲ್ ಕುಮಾರ್, ರಚಿತಾ ರಾಮ್ ಮತ್ತು ಇತರ 200 ಕಲಾವಿದರು ಮತ್ತು 150 ತಂತ್ರಜ್ಞರು ಶೂಟಿಂಗ್ ನಲ್ಲಿ ಭಾಗಿಯಾಗಿದ್ದರು. ಚಿತ್ರಕ್ಕೆ ಇನ್ನಷ್ಟು ರಂಗು ಮೂಡಿಸಲು ಪರಂಪರಾ ಕಟ್ಟಡದಲ್ಲಿ ಶೂಟಿಂಗ್ ಮಾಡಿದೆವು ಎಂದರು ನಿರ್ದೇಶಕ ಹರ್ಷ.

ಚಿತ್ರದ ಫ್ಲಾಶ್ ಬಾಕ್ ದೃಶ್ಯ ಮತ್ತು ಎರಡು ಹಾಡುಗಳ ಶೂಟಿಂಗ್ ಬಾಕಿ ಉಳಿದಿದೆ. ಮುಂದಿನ ಶೆಡ್ಯೂಲ್ ಚಿತ್ರೀಕರಣ ನಾಡಿದ್ದು ಸೋಮವಾರ ಆರಂಭವಾಗಲಿದೆ. ಅದು ಕರ್ನಾಟಕದ ಕೆಲವು ಸ್ಥಳಗಳಲ್ಲಿ ನಡೆಯಲಿವೆಯಂತೆ.

ಚನ್ನಾಂಬಿಕಾ ಪ್ರೊಡಕ್ಷನ್ ನಡಿ ನಿರ್ಮಾಣವಾಗುತ್ತಿರುವ ಸೀತಾರಾಮ ಕಲ್ಯಾಣ ಚಿತ್ರದಲ್ಲಿ ಶರತ್ ಕುಮಾರ್, ಬಾಲಿವುಡ್ ನಟರು, ಮದೂ, ರವಿಶಂಕರ್ ಮೊದಲಾದವರಿದ್ದಾರೆ. ಅನುಪ್ ರುಬೆನ್ಸ್ ಅವರ ಸಂಗೀತ ಮತ್ತು ಸ್ವಾಮಿ ಜೆ ಅವರ ಛಾಯಾಗ್ರಹಣವಿದೆ.