ಖಾಲಿ ಕ್ವಾಟ್ರು ಬಾಟ್ಲಿಯಂಗೆ ಲೈಫು... ಆಚೆಗೆ ಹಾಕೊವ್ಲೆ ವೈಫು...ಹಾಡು ಎಲ್ಲರಿಗೂ ನೆನಪಿರಬಹುದು. 2013ರಲ್ಲಿ ಹಿಟ್ ಚಿತ್ರಗಳಲ್ಲಿ ಒಂದಾಗಿದ್ದ ವಿಕ್ಟರಿ ಚಿತ್ರದ ಹಾಡಿದು. ಈ ಹಾಡು ಸಾಕಷ್ಟು ಜನರ ಮನಗೆದ್ದಿತ್ತು.
5 ವರ್ಷಗಳ ಬಳಿಕ ಇದೇ ರೀತಿಯ ಹಾಡಿನೊಂದಿಗೆ ಜನರ ಮನಗೆಲ್ಲಲು ವಿಕ್ಟರಿ ಚಿತ್ರದ ತಂಡ ಸಿದ್ಧತೆ ನಡೆಸಿದೆ. ನಾನ್ ಮನೆಗ್ ಹೋಗೋದಿಲ್ಲ ಎಂಬ ಹಾಡಿನ ಸಾಹಿತ್ಯವನ್ನು ಯೋಗರಾಜ್ ಭಟ್ ಅವರು ಬರೆದಿದ್ದು, ಹಾಡಿಗೆ ಸಂಗೀತ ನೀಡುತ್ತಿರುವ ಅರ್ಜುನ್ ಜನ್ಯ ಹಾಗೂ ವಿಜಯ್ ಪ್ರಕಾಶ್ ಅವರೇ ಧ್ವನಿ ನೀಡುತ್ತಿದ್ದಾರೆ. ಹಾಡಿನಲ್ಲಿ ಶರಣ್ ಹಾಗೂ ಸಾಧುಕೋಕಿಲಾ ಹೆಜ್ಜೆ ಹಾಕುತ್ತಿದ್ದು, ನೃತ್ಯ ಸಂಯೋಜನೆಯನ್ನು ಭೂಷಣ್ ಅವರು ಮಾಡುತ್ತಿದ್ದಾರೆ.
ವಿಕ್ಟರಿ 2 ಚಿತ್ರವನ್ನು ತರುಣ್ ಶಿವಪ್ಪ ಫಿಲಮ್ಸ್ ನಿರ್ಮಾಣ ಮಾಡುತ್ತಿದ್ದು, ಚಿತ್ರದ ಛಾಯಾಗ್ರಹಣವನ್ನು ಗುರು ಪ್ರಶಾಂತ್ ರೈ ನೋಡಿಕೊಳ್ಳುತ್ತಿದ್ದಾರೆ.
ಚಿತ್ರದಲ್ಲಿ ರವಿಶಂಕರ್, ನಸ್ಸಾರ್ ಸೇರಿ ಅಶ್ಮಿತಾ ಸೂದ್ ಹಾಗೂ ಅಪೂರ್ವ ಅವರು ಪ್ರಮುಖ ಪಾತ್ರದಲ್ಲಿ ಕಾಣಿಸಿಕೊಳ್ಳುತ್ತಿದ್ದಾರೆ.