ಬೆಲ್ ಬಾಟಮ್ ಯಶಸ್ಸಿನ ನಂತರ ನಟ ರಿಷಬ್ ಶೆಟ್ಟಿ ಕೈತುಂಬಾ ಸಿನಿಮಾಗಳಿವೆ, ಸದ್ಯ ರಿಷಬ್ ಶೆಟ್ಟಿ ಮುಂದಿನ ಸಿನಿಮಾ ನಿರ್ದೇಶನದ ಕಡೆ ಗಮನ ಹರಿಸಿದ್ದಾರೆ. ತಮ್ಮ ನಿರ್ದೇಶನದ ಸಿನಿಮಾವನ್ನು ಈ ವರ್ಷ ತೆರೆಗೆ ತರಲು ಸಿದ್ಧತೆ ನಡೆಸುತ್ತಿದ್ದಾರೆ.

ಜಯಣ್ಣ-ಬೋಗೇಂದ್ರ ಮಾಲೀಕತ್ವದ ಜಯಣ್ಣ ಕಂಬೈನ್ಸ್ ನ ಮುಂದಿನ ಸಿನಿಮಾಗೆ ರಿಷಬ್ ಶೆಟ್ಟಿ ಆ್ಯಕ್ಷನ್ ಕಟ್  ಹೇಳಲಿದ್ದಾರೆ. ಈ ವರ್ಷದಲ್ಲೇ ಶೂಟಿಂಗ್ ಆರಂಭವಾಗಲಿದೆ.

 ಈ ಮೊದಲು ಸರ್ಕಾರಿ ಹಿರಿಯ ಪ್ರಾಥಮಿಕ ಶಾಲೆ ಮತ್ತು ಕಿರಿಕ್ ಪಾರ್ಟಿ ಸಿನಿಮಾಗಳಿಗೆ ಜಯಣ್ಣ ಹಂಚಿಕೆದಾರರಾಗಿದ್ದರು. ಇದೇ ಮೊದಲ ಬಾರಿುಗೆ ಇಬ್ಬರು ಒಟ್ಟಾಗಿ ಕೆಲಸ ಮಾಡುತ್ತಿದ್ದಾರೆ, ಸಿನಿಮಾ ಗಂಭೀರ ಕಥಾವಸ್ತುವನ್ನೊಳಗೊಂಡಿದ್ದು ಸದ್ಯ ಇನ್ನೂ ಸ್ಕ್ರಿಪ್ಟಿಂಗ್ ಹಂತದಲ್ಲಿದೆ.

ನಿರ್ದೇಶಕರ ಮನಸ್ಸಿನಲ್ಲಿ ಕೆಲವು ನಾಯಕರುಗಳಿದ್ದು, ಅವರನ್ನು ಸದ್ಯದಲ್ಲೇ ಭೇಟಿ ಮಾಡಲಿದ್ದಾರೆ, ನಂತರ ಹೀರೋ ಯಾರು ಎಂಬುದನ್ನು ಫೈನಲ್ ಮಾಡಲಿದ್ದಾರೆ, ನಂತರ ಅವರ ಜೊತೆ ಕುಳಿತು ಕರಾರು ಪತ್ರಕ್ಕೆ ಸಹಿ ಮಾಡಿಸಿಕೊಳ್ಳಲಾಗುವುದು ಎಂದು ಮೂಲಗಳು ತಿಳಿಸಿವೆ