ಕನ್ನಡದ ಯಶಸ್ವಿ ಚಿತ್ರ ರಿಷಬ್ ಶೆಟ್ಟಿಯವರ "ಬೆಲ್ ಬಾಟಮ್" ಚಿತ್ರವೀಗ ಹಿಂದಿ ಭಾಷೆಯಲ್ಲಿ ರಿಮೇಕ್ ಆಗಲಿದ್ದು 'ಹೌಸ್ಫುಲ್ 4' ಚಿತ್ರದ ಯಶಸ್ಸಿನಲ್ಲಿ ತೇಲುತ್ತಿರುವ ಬಾಲಿವುಡ್ ಸ್ಟಾರ್ ಅಕ್ಷಯ್ ಕುಮಾರ್ ಮುಖ್ಯಪಾತ್ರದಲ್ಲಿ ನಟಿಸಲಿದ್ದಾರೆ ಎಂದು ವರದಿಯಾಗಿದೆ. ಈ ಚಿತ್ರವನ್ನು ನಿಖಿಲ್ ಅಡ್ವಾಣಿ ನಿರ್ಮಿಸಲಿದ್ದಾರೆ.
ಬೆಲ್ ಬಾಟಮ್ ಕನ್ನಡ ಚಿತ್ರದ ಅಧಿಕೃತ ರೂಪಾಂತರದಲ್ಲಿ ಅಕ್ಷಯ್ ಕುಮಾರ್ ಕಾಣಿಸ್ಕೊಳ್ಳಲಿದ್ದಾರೆ. ಕನ್ನಡದಲ್ಲಿ ಈ ವರ್ಷಾರಂಭದಲ್ಲಿ ತೆರೆ ಕಂಡಿದ್ದ ಬೆಲ್ ಬಾಟಮ್ ಚಿತ್ರವನ್ನು ಜಯತೀರ್ಥ ನಿರ್ದೇಶಿಸಿದ್ದರು. ರಿಷಬ್ ಶೆಟ್ಟಿ ಮತ್ತು ಹರಿಪ್ರಿಯಾ ಮುಖ್ಯ ಪಾತ್ರಗಳನ್ನು ನಿರ್ವಹಿಸಿದ್ದರು. ಇದು 2019 ರ ಅತಿದೊಡ್ಡ ಕನ್ನಡ ಹಿಟ್ಗಳಲ್ಲಿ ಒಂದಾಗಿದೆ ಮತ್ತು ಅದರ ಮನರಂಜನಾ ಅಂಶದಿಂದಾಗಿ ಇಷ್ಟವಾಗಿದೆ ಎಂದು ವರದಿಯಲ್ಲಿ ಹೇಳಲಾಗಿದೆ.
"ನಿಖಿಲ್ ಅಡ್ವಾಣಿ ಈ ಚಿತ್ರವನ್ನು ನೋಡಿದ್ದಾರೆ ಮತ್ತು ಚಿತ್ರವನ್ನು ಇಷ್ಟಪಟ್ಟಿದ್ದಾರೆ. ಹಾಗಾಗಿ ಅದರ ರಿಮೇಕ್ ಹಕ್ಕುಗಳನ್ನು ಖರೀದಿಸಲು ನಿರ್ಧರಿಸಿದ್ದಾರೆ. ರಂಜಿತ್ ತಿವಾರಿ ಅದನ್ನು ನಿರ್ದೇಶನ ಮಾಡಲು ತೀರ್ಮಾನಿಸಿದ್ದಾರೆ. ಇವರ ಮೊದಲ ಚಿತ್ರ ಲಕ್ನೋ ಸೆಂಟ್ರಲ್ ವಿಫಲವಾದರೂ, ಅವರ ಸಾಮರ್ಥ್ಯಗಳ ಬಗೆಗೆ ನಂಬಿಕೆ ಇಟ್ಟು ನಿಖಿಲ್ ಅವರಿಗೆ ಈ ಜವಾಬ್ದಾರಿ ವಹಿಸಿದ್ದಾರೆ.ಸಧ್ಯ ಚಿತ್ರಕಥೆ ಕ್ರಚನೆ ನಡೆಯುತ್ತಿದ್ದು 2019 ರ ಅಂತ್ಯದ ಮೊದಲು ಪೂರ್ಣಗೊಳ್ಳುವ ನಿರೀಕ್ಷೆಯಿ
"ಅಕ್ಷಯ್ ಕುಮಾರ್, ನಿಖಿಲ್ ಅಡ್ವಾಣಿ ಮತ್ತು ವಶು ಭಗ್ನಾನಿ ಅವರೊಂದಿಗೆ ಟಿ-ಸೀರೀಸ್ನ ಭೂಷಣ್ ಕುಮಾರ್ ಕೂಡ ನಿರ್ಮಾಪಕರಾಗಿ ಕೆಲಸ ಮಾಡಲಿದ್ದಾರೆ.ಎನ್ನಲಾಗಿದೆ. ಇನ್ನು ರೀಮೇಕ್ ಚಿತ್ರಕ್ಕೆ "ಬೆಲ್ ಬಾಟಮ್" ಎಂಬ ಶೀರ್ಷಿಕೆಯನ್ನೇ ಇಡಬೇಕೆ ಅಥವಾ ಬೇರೆ ಶೀರ್ಷಿಕೆ ಬೇಕೆ ಎಂಬುದು ಇನ್ನೂ ತೀರ್ಮಾನವಾಗಿಲ್ಲ." ಅಕ್ಷಯ್ ಕುಮಾರ್ ಅವರ ಗುಡ್ ನ್ಯೂವ್ಜ್ 2020 ರ ಡಿಸೆಂಬರ್ನಲ್ಲಿ ಬಿಡುಗಡೆಯಾಗಲಿದೆ.