ಬೆಂಗಳೂರು: ಬ್ಲೂ ಎಲಿಫ಼ೆಂಟ್ ಸಿನಿಮಾಸ್ ಲಾಂಛನದಲ್ಲಿ ನಿರ್ಮಾಣವಾಗಿರುವ "ಸಿ++" ಚಿತ್ರವೂ ಈ ವಾರ ರಾಜ್ಯಾದ್ಯಂತ ಬಿಡುಗಡೆಯಾಗುತ್ತಿದೆ.

ಸುರೇಶ್ ಲಿಯೋನ್ ರೇ ಕಥೆ, ಚಿತ್ರಕಥೆ, ಸಂಭಾಷಣೆ ಬರೆದು ನಿರ್ದೇಶಿಸಿರುವ ಈ ಚಿತ್ರಕ್ಕೆ ಸ್ವೀಡನ್‌ನ ಜಾನ್ ಬೋಬರ್ಗ್ ಸಂಗೀತ ನೀಡಿದ್ದಾರೆ.

ಸಂದೀಪ್ ಹಂಚಿನ್ ಛಾಯಾಗ್ರಹಣ ಹಾಗೂ ನಾಗೇಂದ್ರ ಅರಸ್ ಅವರ ಸಂಕಲನವಿದ್ದು,  ಸುರೇಶ್ ಲಿಯೋನ್ ರೇ, ನಾಗೇಂದ್ರ ಅರಸ್, ವಿರಾಜ್ ವಿಸ್ಮಿತ್, ವಿಶುವೀರ್, ಆದರ್ಶ ಮುಂತಾದವರ ತಾರಾಬಳಗವಿದೆ.

ಹಾರ್ಡ್ ವೇರ್ ಇಂಜಿನಿಯರ್ ಆಗಿರುವ ಕಥಾ ನಾಯಕನನ್ನು ಅಪಹರಣ ಮಾಡಲಾಗುತ್ತದೆ. ಆತನ ಮುಂದೆಯೇ ಮತ್ತೊರ್ವನಿಗೆ ಚಿತ್ರಹಿಂಸೆ ನೀಡಿ ಕೊಲೆ ಮಾಡಲಾಗುತ್ತದೆ. ಅಲ್ಲಿಂದ ನಾಯಕ ತಪ್ಪಿಸಿಕೊಳ್ಳುವುದು ಹೀಗೆ ಚಿತ್ರಕಥೆ ಸಾಗುತ್ತದೆ. 

ಮುಂದೆ ನಾಯಕ ಜನರಿಗೆ ಕ್ರೈಂಗಳ ಬಗ್ಗೆ ಎಚ್ಚರಿಕೆ ನೀಡುವ ಮೂಲಕ ಸಾಮಾಜಿಕ ಜವಾಬ್ದಾರಿಯನ್ನು ಮೆರೆಯುತ್ತಾನೆ. ಹೀಗೆ ಸೈಬರ್ ಭೂಗತ ಜಗತ್ತಿನಲ್ಲಿ ಅಪಾಯಕಾರಿ ಅಪರಾಧಗಳ ಕುರಿತು ಈ ಚಿತ್ರ ಸಂದೇಶ ನೀಡಲಿದೆ.