ಹಿರಿಯ ನಟಿ ಪ್ರಮೀಳಾ ಜೋಷಾಯ್‍ಗೆ ಕೊರೋನಾ ಸೋಂಕು ತಗುಲಿದ್ದು ಭಾನುವಾರ ತಡರಾತ್ರಿ ಬೆಂಗಳೂರಿನ ಜಯನಗರದಲ್ಲಿನ ಆಸ್ಪತ್ರೆಗೆ ದಾಖಲಾಗಿ ಚಿಕಿತ್ಸೆ ಪಡೆಯುತ್ತಿದ್ದಾರೆ.
ಈ ನಡುವೆ ಪತಿ ಸುಂದರ್ ರಾಜ್ ಹಾಗೂ ಮಗಳು, ನಟಿ ಮೇಘನಾ ರಾಜ್ ಅವರ ಕೊರೋನಾ ವರದಿ ನೆಗೆಟಿವ್ ಬಂದಿದೆ.
ಸಧ್ಯ ನಟಿ ಪ್ರಮೀಳಾ ಜೋಷಾಯ್ ಆರೋಗ್ಯವಾಗಿದ್ದು ವೈದ್ಯರ ಸಲಹೆಯಂತೆ ಐಸೋಲೇಷನ್ ನಲ್ಲಿದ್ದಾರೆ.
ಕೆಲ ದಿನಗಳ ಹಿಂದಷ್ಟೇ ಪ್ರಮೀಳಾ-ಸುಂದರ್ ರಾಜ್ ದಂಪತಿ ಮುದ್ದಾದ ಮೊಮ್ಮಗುವನ್ನು ಬರಮಾಡಿಕೊಂಡಿದ್ದರು. ಜೂ. ಚಿರುಗೆ ತೊಟ್ಟಿಲ ಶಾಸ್ತ್ರ ನಡೆಸಿದ್ದರು.
ಕಳೆದ ಜೂನ್ 7ರಂದು ಪತಿ ಚಿರಂಜೀವಿ ಸರ್ಜಾ ಅವರನ್ನು ಕಳೆದುಕೊಂಡ ನಟಿ ಮೇಘನಾ ರಾಜ್ ತವರಲ್ಲೇ ಇದ್ದು ಅಕ್ಟೋಬರ್ 22ರಂದು ಗಂಡು ಮಗುವಿಗೆ ಜನ್ಮ ನೀಡಿದ್ದರು.