ಬೆಂಗಳೂರು: ಆರ್ ಚಂದ್ರು ನಿರ್ಮಾಣ ಹಾಗೂ ನಿರ್ದೇಶನದಲ್ಲಿ, ಸೂಪರ್‌ಸ್ಟಾರ್ ಉಪೇಂದ್ರ ನಾಯಕರಾಗಿ ನಟಿಸುತ್ತಿರುವ ಬಹು ನಿರೀಕ್ಷೆಯ ಪ್ಯಾನ್ ಇಂಡಿಯಾ ಸಿನಿಮಾ ‘ಕಬ್ಜ‘ ಚಿತ್ರಕ್ಕೆ ಮೊದಲ ಹಂತದ ಚಿತ್ರೀಕರಣ ಮುಕ್ತಾಯವಾಗಿದ್ದು, ಸದ್ಯದಲ್ಲೇ ದ್ವಿತೀಯ ಹಂತದ ಚಿತ್ರೀಕರಣ ಆರಂಭವಾಗಲಿದೆ.
ಸದ್ಯ ಉಪೇಂದ್ರ ಬುದ್ದಿವಂತ-2 ಸಿನಿಮಾ ಶೂಟಿಂಗ್ ಸಂಪೂರ್ಣವಾಗಿದ್ದು. ಕಬ್ಜಾ ಶೂಟಿಂಗ್ ಗೆ ಎಂಟ್ರಿಯಾಗಿದ್ದಾರೆ. ಭೂಗತ ಜಗತ್ತಿನ ಕಥೆಯಾದಾರಿತ ಸಿನಿಮಾ ಇದಾಗಿದೆ.
ಬೆಂಗಳೂರು, ಬಳ್ಳಾರಿ ಹಾಗೂ ಸಂಡೂರಿನಲ್ಲಿ ಒಟ್ಟು 35 ದಿನಗಳ ಕಾಲ ಚಿತ್ರೀಕರಣ ನಡೆಯಲಿದೆ 1950 ರ ಕಾಲಘಟ್ಟದಲ್ಲಿ ಇದ್ದ ಸ್ಟೀಟ್, ಹೂವಿನ ಮಾರುಕಟ್ಟೆ, ಮಟನ್ ಮಾರುಕಟ್ಟೆ, ಕಡಪ ಜಿಲ್ಲೆಯ ಸರ್ಕಲ್, ಜೈಲು, ಆಸ್ಪತೆ, ಪೊಲೀಸ್ ಸ್ಟೇಷನ್ ಹಾಗೂ ಗ್ಯಾಂಗ್‌ವಾರ್‌ನ 8 ಅಡ್ಡಾಗಳ ಸೆಟ್ ಸೇರಿದಂತೆ ಒಟ್ಟು 18 ಸೆಟ್‌ಗಳು ಕೆ ಜಿ ಎಫ಼್ ಖ್ಯಾತಿಯ ಕಲಾ ನಿರ್ದೇಶಕ ಶಿವಕುಮಾರ್ ಅವರ ಸಾರಥ್ಯದಲ್ಲಿ ನಿರ್ಮಾಣವಾಗುತ್ತಿದೆ.
ಉಪೇಂದ್ರ ಜೊತೆಗೆ ಕಬೀರ್ ದುಹಾನ್ ಸಿಂಗ್ ಮತ್ತು ಕೋಟಾ ಶ್ರೀನಿವಾಸ ರಾವ್ , ಜಯ ಪ್ರಕಾಶ್, ಹಾಗೂ ಕಾಟ್ ರಾಜು ಮತ್ತು ಸುಬ್ಬರಾಜು ನಟಿಸುತ್ತಿದ್ದಾರೆ. ಅವಿನಾಶ್, ವಿಕ್ರಮ್ ಸೇರಿದಂತೆ ಹಲವು ಕಲಾವಿದರು ಸಿನಿಮದಲ್ಲಿ ನಟಿಸುತ್ತಿದ್ದಾರೆ.
ಉಪೇಂದ್ರ, ರಾಹುಲ್‌ದೇವ್, ನವೀನ್, ಕಾಮರಾಜನ್, ಕೋಟ ಶ್ರೀನಿವಾಸ್, ತೆಲುಗಿನ ಜಯಪ್ರಕಾಶ್, ಕಾಟ್‌ರಾಜು, ಸುಬ್ಬರಾಜು ಮುಂತಾದವರು ದ್ವಿತೀಯ ಹಂತದ ಚಿತ್ರೀಕರಣದಲ್ಲಿ ಅಭಿನಯಿಸಲಿದ್ದಾರೆ.