ಕನ್ನಡ ಚಿತ್ರರಂಗದ ಪ್ರಸಿದ್ಧ ಜೋಡಿ ದಿಗಂತ್ ಹಾಗೂ ಐಂದ್ರಿತಾ ರೇ ಬರೋಬ್ಬರಿ ಎಂಟು ವರ್ಷಗಳ ನಂತರ ತೆರೆ ಮೇಲೆ ಒಟ್ಟಿಗೇ ಕಾಣಿಸಿಕೊಳ್ಳುತ್ತಿದ್ದಾರೆ.  ಇದನ್ನು ನಾವು ಹೇಳುತ್ತಿಲ್ಲ ಸ್ವತಃ ಐಂದ್ರಿತಾ ರೇ ಅವರೇ ತಮ್ಮ ಟ್ವಿಟ್ತರ್ ಮೂಲಕ ಈ ವಿಷಯ ಬಹಿರಂಗಪಡಿಸಿದ್ದಾರೆ.

ವಿನಾಯಕ ಕೋಡ್ಸರ ನಿರ್ದೇಶನದ  ‘ಕ್ಷಮಿಸಿ, ನಿಮ್ಮ ಖಾತೆಯಲ್ಲಿ ಹಣವಿಲ್ಲ’  ಎಂಬ ಚಿತ್ರದಲ್ಲಿ ಈ ಸ್ಯಾಂಡಲ್ ವುಡ್ ಜೋಡಿ ಒಂದಾಗಿದೆ. 

ಇದಕ್ಕೆ ಹಿಂದೆ 2012ರಲ್ಲಿ ತೆರೆ ಕಂಡ ‘ಪಾರಿಜಾತ’ ಚಿತ್ರದಲ್ಲಿ ಕಡೆಯ ಬಾರಿಗೆ ದಿಗಂತ್ ಹಾಗೂ ಐಂದ್ರಿತಾ ಒಟ್ಟಾಗಿ ಕಾಣಿಸಿಕೊಂಡಿದ್ದರು.

ಮಲೆನಾಡಿನ ಸುಂದರ ತಾಣಗಳಲ್ಲಿ ಚಿತ್ರೀಕರಣ ನಡೆಯುತ್ತಿದ್ದು ಐಂದ್ರಿತಾ ಈ ಬಗ್ಗೆ ಟ್ವಿಟ್ಟರ್ ನಲ್ಲಿ ಬರೆದುಕೊಂಡಿದ್ದಾರೆ. "ಕ್ಷಮಿಸಿ, ನಿಮ್ಮ ಖಾತೆಯಲ್ಲಿ ಹಣವಿಲ್ಲ ಮಲೆನಾಡಿನ ಮೋಹಕ ತಾಣದಲ್ಲಿ ಚಿತ್ರೀಕರಣ.  ನನ್ನ ಆಫ್ ಸ್ಕ್ರೀನ್ ಲವ್ ನೊಂದಿಗೆ 8 ವರ್ಷಗಳ ನಂತರ ಮತ್ತೆ ಪರದೆಯ ಮೇಲೆ ಕಾಣಿಸಿಕೊಳ್ಳುವ ಖುಷಿ" ಐಂದ್ರಿತಾ ಹೇಳಿದ್ದಾರೆ.

‘ಕ್ಷಮಿಸಿ, ನಿಮ್ಮ ಖಾತೆಯಲ್ಲಿ ಹಣವಿಲ್ಲ’  ಸಿಲ್ಕ್ ಮಂಜು ನಿರ್ಮಾಣದಲ್ಲಿ ತಯಾರಾಗುತ್ತಿದೆ. "ಕನ್ನಡತಿ" ಖ್ಯಾತಿಯ ರಂಜನಿ ರಾಘವನ್  ಈ ಚಿತ್ರದಲ್ಲಿ ಮತ್ತೊಬ್ಬ ಪ್ರಮುಖ ನಾಯಕಿಯಾಗಿದ್ದಾರೆ.  ಚಿತ್ರಕ್ಕೆ ರಜ್ವಲ್​ ಪೈ ಸಂಗೀತ ಸಂಯೋಜನೆ ಇದೆ.