ಬೆಂಗಳೂರು: ನಿನ್ನೆಯಷ್ಟೇ ತಮ್ಮ 60 ನೇ  ಹುಟ್ಟುಹಬ್ಬವನ್ನು ಪ್ರೇಮ ಲೋಕ ಸೀರಿಯಲ್ ಸೆಟ್ ನಲ್ಲಿ ಆಚರಿಸಿಕೊಂಡಿದ್ದ ಹಿರಿಯ ನಟ ಸಿದ್ದರಾಜ್ ಕಲ್ಯಾಣಕರ್ ತಡರಾತ್ರಿ ಹೃದಯಾಘಾತದಿಂದ  ನಿಧನರಾಗಿದ್ದಾರೆ.

ಹುಬ್ಬಳ್ಳಿ ಮೂಲದ ಸಿದ್ದರಾಜ್ ಕಲ್ಯಾಣಕರ್ ಅವರು, ರಾತ್ರಿ ತಮ್ಮ ಜನ್ಮ ದಿನದಿಂದ ತೆಗೆದ ಸಂಭ್ರಮದ ಫೋಟೋವನ್ನು ಸಹ ಸಾಮಾಜಿಕ ಜಾಲತಾಣದಲ್ಲಿ ಅಪ್ ಲೋಡ್  ಮಾಡಿದ್ದರು.

ಸುಮಾರು 70ಕ್ಕೂ ಹೆಚ್ಚು ಚಲನಚಿತ್ರಗಳಲ್ಲಿ ಅವರು ಅಭಿನಯಿಸಿದ್ದಾರೆ. ನಿರ್ದೇಶಕ ಬಿ ಸುರೇಶ್ ಅವರು ತಮ್ಮ ಹಾಗೂ ಸಿದ್ದರಾಜ ಕಲ್ಯಾಣಕರ್ ಅವರೊಂದಿಗೆ ಮೊದಲ ಭೇಟಿ ಗೆಳೆತನದ ಬಗ್ಗೆ ಸಾಮಾಜಿಕ ಜಾಲತಾಣದಲ್ಲಿ ಹಂಚಿಕೊಂಡಿದ್ದಾರೆ.