ದಸರಾ, ನವರಾತ್ರಿ ಹಬ್ಬ ಎಂದರೆ ಭಾರತೀಯರಿಗೆಲ್ಲರಿಗೂ ವಿಶೇಷ. ಕರ್ನಾಟಕದಲ್ಲಿ ಒಂದೊಂದು ಪ್ರಾಂತ್ಯದ ಜನ ಒಂದೊಂದು ಸಂಪ್ರದಾಯದಲ್ಲಿ ನವರಾತ್ರಿ ಹಬ್ಬವನ್ನು ಆಚರಿಸುತ್ತಾರೆ. ಬೆಂಗಳೂರು ಮೂಲದ ಸೆಲೆಬ್ರಿಟಿಗಳು ಈ ಹಬ್ಬದ ಋತುವಿನಲ್ಲಿ ತಾವು ಏನು ಮಾಡುತ್ತಿದ್ದೇವೆ ಎಂಬುದರ ಕುರಿತು ಸಿನಿ ಎಕ್ಸ್ ಪ್ರೆಸ್ ಜೊತೆ ಮಾತನಾಡುತ್ತಾರೆ.
ಕೃಷಿ ತಾಪಂಡ
ಮೈಸೂರಿನಲ್ಲಿ ಯುವ ದಸರಾಗೆ ಪ್ರದರ್ಶನ ನೀಡುತ್ತಿದ್ದೇನೆ. ನಾನು ಈ ವರ್ಷ ನವರಾತ್ರಿಗಾಗಿ ವಿಶೇಷ ಫೋಟೋಶೂಟ್ ಮಾಡಿದ್ದೇನೆ, ಒಂಬತ್ತು ವಿಭಿನ್ನ ಶಕ್ತಿಗಳು ಮತ್ತು ನಾರಿಗಳ ಬಗ್ಗೆ ಪರಿಕಲ್ಪನೆಯ ಫೋಟೋಶೂಟ್ ಮಾಡಿದ್ದೇನೆ. ವಾಟರ್ ಕ್ವೀನ್ ಆಗಿ ನಟಿಸಿದ್ದೇನೆ. ನನ್ನ ಬಾಲ್ಯದಲ್ಲಿ ಮಡಿಕೇರಿಯಲ್ಲಿ ಒಮ್ಮೆ ನನ್ನ ಹುಟ್ಟುಹಬ್ಬದ ಸಂದರ್ಭದಲ್ಲಿ ದಸರಾ ಹಬ್ಬ ಆಚರಿಸಿದ ನೆನಪು ಇದೆ. ಆಗ ಹುಟ್ಟುಹಬ್ಬದ ಆಚರಣೆಯ ನಂತರ, ಮೆರವಣಿಗೆ ಸೇರಿಕೊಂಡೆ. ಆಗ ಮಡಿಕೇರಿ ದಸರೆಯಲ್ಲಿ ನಾವು ಎಲ್ಲಾ ಕಾರ್ಯಕ್ರಮಗಳನ್ನು ನೋಡುತ್ತಿದ್ದೆವು ಮತ್ತು ಈ ಸ್ಟಾರ್‌ಗಳು ಮತ್ತು ನಟರೆಲ್ಲ ಬರುತ್ತಿದ್ದ ಈ ‘ಸ್ಟಾರ್ಸ್ ನೈಟ್’ ನ್ನು ನೋಡುತ್ತಿದ್ದೆವು. ಮತ್ತು ಈ ವರ್ಷ, ನಾನು ಯುವ ದಸರಾದ ಭಾಗವಾಗಿದ್ದೇನೆ
ಅನುರಾಧ ಭಟ್
ಈ ಬಾರಿಯ ದಸರಾದಲ್ಲಿ ಸಾಕಷ್ಟು ಸಂಗೀತ ಕಛೇರಿಗಳು, ಕಾರ್ಯಕ್ರಮಗಳನ್ನು ನೀಡುತ್ತಿದ್ದೇನೆ. ಗುರುಕಿರಣ್ ಸರ್, ವಿಜಯ್‌ ಪ್ರಕಾಶ್‌, ಕುನಾಲ್‌ ಗಾಂಜಾವಾಲಾ ಅವರೊಂದಿಗೆ ಒಂದು ಕಛೇರಿ ಮತ್ತು ಅರ್ಜುನ್‌ ಜನ್ಯ ಅವರೊಂದಿಗೆ ಒಂದು ಕಛೇರಿ ಮಾಡಿದ್ದೇನೆ. ಅಕ್ಟೋಬರ್ 5 ರಂದು ಗುರುಕಿರಣ್ ಸರ್ ಅವರೊಂದಿಗೆ ನನ್ನ ಸಂಗೀತ ಕಾರ್ಯಕ್ರಮವಿದೆ. ನಾನು ಹುಟ್ಟಿ ಬೆಳೆದದ್ದು ಮಂಗಳೂರಿನಲ್ಲಿ, ಹಾಗಾಗಿ ಈ ಹಬ್ಬವು ಹೆಚ್ಚಾಗಿ ಪೂಜೆಗಳನ್ನು ಮಾಡುವುದರ ಜೊತೆಗೆ ನನ್ನ ಸಂಗೀತ ವಾದ್ಯಗಳನ್ನು ಭಕ್ತಿಗಾಗಿ ಇರಿಸುತ್ತದೆ. ಸರಸ್ವತಿ ಪೂಜೆಯ ಸಮಯದಲ್ಲಿ ನಾನು ನಾನು ಗುರುಗಳನ್ನು ಭೇಟಿ ಮಾಡುತ್ತೇನೆ.
ಮೇಘನಾ ಸಾಕ್ಷಿ
ನನ್ನ ಮನೆಯಲ್ಲಿ ಹಬ್ಬವನ್ನು ಆಚರಿಸುತ್ತೇನೆ. ನವರಾತ್ರಿಯಲ್ಲಿ ಮಹಿಳೆಯರು ಒಂಬತ್ತು ದೇವಿಯಂತೆ ವೇಷ ಧರಿಸುವ ಸಂಪ್ರದಾಯವಿದೆ. ಈ ವರ್ಷ, ಕಾನ್ಸೆಪ್ಟ್ ಶೋಗಾಗಿ ನಾನು ದೇವಿಯ ನೋಟಗಳಲ್ಲಿ ಕಾಣಿಸುತ್ತಿರುವುದು ವಿಶೇಷವಾಗಿದೆ. ನವರಾತ್ರಿ ಎಂದರೆ ನನಗೆ ತುಂಬಾ ಇಷ್ಟ, ನಾನು ಬಾಲ್ಯದಿಂದಲೂ ಈ ಹಬ್ಬವನ್ನು ಆಚರಿಸುತ್ತಿದ್ದೇನೆ. ಗರ್ಬಾದಲ್ಲಿ ಡ್ಯಾನ್ಸ್ ಮಾಡುವುದೆಂದರೆ ನನಗೆ ಅಚ್ಚುಮೆಚ್ಚು.
ಪ್ರಿಯಾಂಕಾ ಉಪೇಂದ್ರ
ನಾನು ಮೂಲತಃ ಬೆಂಗಾಳಿಯಾಗಿರುವುದರಿಂದ ಬಾಲ್ಯದಿಂದಲೂ ದುರ್ಗಾ ಪೂಜೆ ನಮಗೆ ವಿಶೇಷ. ದಸರಾ ಸಮಯದಲ್ಲಿ ಕೋಲ್ಕತ್ತಾಗೆ ಹೋಗುತ್ತೇನೆ, ಅಲ್ಲಿ ದುರ್ಗಾ ದೇವಿ ಆರಾಧನೆ ಮಾಡುತ್ತೇವೆ. ಈ ವರ್ಷ ಮಾತ್ರ ಬೆಂಗಳೂರಿನಲ್ಲಿ ಚಿತ್ರೀಕರಣದಲ್ಲಿ ಬ್ಯುಸಿ. ನಾನು ಇತ್ತೀಚೆಗೆ ಬೆಂಗಾಲಿ ಅಸೋಸಿಯೇಷನ್‌ಗೆ ಭೇಟಿ ನೀಡಿದ್ದೆ. ಬೇರೆ ದಿನಗಳಲ್ಲಿ ಮನೆಯಲ್ಲಿ ಪೂಜೆ ಮಾಡಿ, ಊಟ ಮುಗಿಸಿ ಚಿತ್ರೀಕರಣಕ್ಕೆ ಹೋಗುತ್ತೇನೆ. ನನ್ನ ಬಾಲ್ಯದಲ್ಲಿ, ನಾನು ಯುಎಸ್‌ನಲ್ಲಿ ಬೆಳೆದಾಗಿನಿಂದ, ಲಾಸ್ ಏಂಜಲೀಸ್‌ನಲ್ಲಿ ಪೂಜೆ ಮಾಡುತ್ತಿದ್ದೆವು. ಮಹಾಲಯ ಸಮಯದಲ್ಲಿ ನೃತ್ಯ ಪ್ರದರ್ಶನಗಳನ್ನು ಮಾಡುತ್ತಿದ್ದೆವು. ಅಲ್ಲಿದ್ದ ಎಲ್ಲ ಬೆಂಗಾಲಿಗಳ ಜೊತೆಯಲ್ಲಿದ್ದೆವು. ಈ ವರ್ಷ, ನಾನು ಬೇಗೂರ್ ಬಂಗಾಳಿ ಸಾಂಸ್ಕೃತಿಕ ಸಂಘಕ್ಕೆ ಭೇಟಿ ನೀಡುತ್ತೇನೆ.
ದಿಶಾ ಮದನ್
ನಾನು ಮದುವೆಯಾಗುವ ಮೊದಲು ದಸರಾವನ್ನು ಅತ್ಯಂತ ಕಡಿಮೆಯಾಗಿ ಆಚರಿಸುತ್ತಿದ್ದೆವು. ಆದರೆ ಈಗ ನನ್ನ ಅತ್ತೆಯ ಕಡೆಯವರು ದಸರಾವನ್ನು ಅದ್ಧೂರಿಯಾಗಿ ಆಚರಿಸುತ್ತಾರೆ. 10 ದಿನ ಮನೆಯಲ್ಲಿ ಬೊಂಬೆ ಪ್ರದರ್ಶನವಿರುತ್ತದೆ. ಮನೆಗೆ ಅತಿಥಿಗಳನ್ನು ಕರೆದು ಹಬ್ಬದೂಟ ಮಾಡಿ ಬಡಿಸಿ ಸಂಭ್ರಮಿಸುತ್ತೇವೆ.
ಶ್ವೇತಾ ಶ್ರೀವಾಸ್ತವ್
ನಮ್ಮ ಮಕ್ಕಳಿಗೆ ಹಬ್ಬಗಳ ಮಹತ್ವವನ್ನು ಅರ್ಥಮಾಡಿಕೊಳ್ಳಲು ನಮ್ಮ ಸಂಸ್ಕೃತಿಯ ಪ್ರತಿಯೊಂದು ಹಬ್ಬವನ್ನು ಆಚರಿಸುವುದು ಅವಶ್ಯಕ ಎಂದು ನಾನು ಭಾವಿಸುತ್ತೇನೆ. ಈ ವರ್ಷ, ನನ್ನ ಮಗಳು ದಸರಾವನ್ನು ಸರಿಯಾಗಿ ಅನುಭವಿಸಲು ಇದೇ ಮೊದಲ ಬಾರಿಗೆ ನಾವು ಅದ್ಧೂರಿಯಾಗಿ ಆಚರಿಸುತ್ತಿದ್ದೇವೆ. ಎಲ್ಲವನ್ನೂ ಸಂತೋಷವಾಗಿ, ಪ್ರಕಾಶಮಾನವಾಗಿ ಮತ್ತು ವರ್ಣಮಯವಾಗಿ ಕಾಣುವಂತೆ ನೋಡಿಕೊಳ್ಳುತ್ತಿದ್ದೇವೆ. ಗೊಂಬೆಗಳನ್ನು ಪ್ರದರ್ಶನಕ್ಕಿಡುತ್ತಿದ್ದೇವೆ. ದಸರಾ ಸಮಯದಲ್ಲಿ ನಾನು ಹೊಸ ಚಿತ್ರಕ್ಕೆ ಸಹಿ ಹಾಕುತ್ತಿದ್ದೆ. ಸದ್ಯದಲ್ಲಿಯೇ ಸಿಹಿ ಸುದ್ದಿ ನೀಡಲಿದ್ದೇನೆ.
ಶೈನ್ ಶೆಟ್ಟಿ
ನಾನು ಮಂಗಳೂರಿನವನಾದ್ದರಿಂದ ಮನೆಯಲ್ಲಿ ಈ ಹಬ್ಬವನ್ನು ಆಚರಿಸುವುದಿಲ್ಲ. ಬದಲಿಗೆ, ನಾವು ದೇವಸ್ಥಾನಗಳಿಗೆ ಭೇಟಿ ನೀಡುತ್ತೇವೆ. ದಸರಾದಲ್ಲಿ ಮಂಗಳೂರಿನಲ್ಲಿ ಎಲ್ಲಾ ರಸ್ತೆಗಳನ್ನು ನಿರ್ಬಂಧಿಸಲಾಗುತ್ತದೆ. ನಾನು ಈ ವರ್ಷವೂ ನನ್ನ ಹುಟ್ಟೂರಿಗೆ ಭೇಟಿ ನೀಡುತ್ತೇನೆ, ಇದು ನನಗೆ ವಾರ್ಷಿಕ ಸಂಪ್ರದಾಯವಾಗಿದೆ. ಬೃಹತ್ ಮೆರವಣಿಗೆಗಳು ಮತ್ತು ಪುಲಿ ವೇಷ ನೃತ್ಯ (ಹುಲಿ ನೃತ್ಯ) ನಡೆಯುತ್ತದೆ, ಇದು ರಾಜ್ಯದ ಕರಾವಳಿ ಭಾಗಗಳಲ್ಲಿ ಬಹಳ ದೊಡ್ಡದಾಗಿದೆ.