ಮುಂಬೈ: ಮಾರ್ಚ್ 31ರಂದು ನಡೆಯಲಿರುವ ಐಸಿಸಿ ಟಿ20 ವಿಶ್ವಕಪ್ ಪಂದ್ಯಾವಳಿಯ ಎರಡನೇ ಸೆಮಿಫೈನಲ್ ಪಂದ್ಯದಲ್ಲಿ ಟೀಂ ಇಂಡಿಯಾದ ಸ್ಫೋಟಕ ಆಟಗಾರ ವಿರಾಟ್ ಕೊಹ್ಲಿ ಒಬ್ಬರನ್ನಷ್ಟೇ ವೆಸ್ಟ್ ಇಂಡೀಸ್ ತಂಡದ ಗುರಿಯಾಗಿಸಿಕೊಂಡಿಲ್ಲ ಎಂದು ಕ್ರಿಸ್ ಗೇಲ್ ಹೇಳಿದ್ದಾರೆ.

ಸುದ್ದಿಗಾರರೊಂದಿಗೆ ಮಾತನಾಡಿದ ಕ್ರಿಸ್ ಗೇಲ್, ತವರಿನಲ್ಲಿ ಟೀಂ ಇಂಡಿಯಾ ತಂಡ ಹಲವಾರು ಪಂದ್ಯಗಳನ್ನು ಗೆದ್ದಿರಬಹುದು. ಮೇಲಾಗಿ ಈ ಟೂರ್ನಿಯಲ್ಲಿ ಅದು ಟ್ರೋಫಿ ಗೆಲ್ಲುವ ಫೇವರೀಟ್ ತಂಡವೇ ಆಗಿರಬಹುದು ಆದರೆ ಕೆರಿಬಿಯನ್ನರು ಅಚ್ಚರಿ ಫಲಿತಾಂಶ ನೀಡಿ ಭಾರತಕ್ಕೆ ಆಘಾತ ನೀಡುವಷ್ಟು ಶಕ್ತವಾಗಿದೆ ಎಂದರು.

ನ್ಯೂಜಿಲೆಂಡ್ ವಿರುದ್ಧದ ಮೊದಲ ಪಂದ್ಯದಲ್ಲಿ ಭಾರತ ಸೋತು ನಂತರ ಸತತ ಮೂರು ಪಂದ್ಯಗಳನ್ನು ಗೆದ್ದು ಸೆಮಿಫೈನಲ್ ಗೆ ತಲುಪಿದ್ದು, ಇದು ಧೋನಿ ಪಡೆಯ ಆತ್ಮವಿಶ್ವಾಸ ಹೆಚ್ಚಿಸಿದೆ ಎಂಬುದರಲ್ಲಿ ಯಾವುದೇ ಅನುಮಾನವಿಲ್ಲ. ಇನ್ನು ಆ ತಂಡದಲ್ಲಿ ಒಬ್ಬನೇ ಒಬ್ಬ ನಿರ್ಧಿಷ್ಟ ಆಟಗಾರರನನ್ನು ಗುರಿಯಾಗಿಸಿಕೊಂಡಿಲ್ಲ ಎಂದು ಕೊಹ್ಲಿ ಬಗ್ಗೆ ಗೇಲ್ ಹೇಳಿದ್ದಾರೆ.