ಭಾರತ ಪರ ಕೀಪಿಂಗ್ ಮಾಡುತ್ತಿರುವ ವೃದ್ಧಿಮಾನ್ ಸಹಾ ಎಂಎಸ್ ಧೋನಿ ಉತ್ತರದಾಹಿಯಾಗಲಿದ್ದಾರೇ ಎಂಬುದಕ್ಕೆ ಪ್ರತ್ಯಕ್ಷ ಸಾಕ್ಷಿ ಇಲ್ಲಿದೆ.
ಆಂಧ್ರದ ವಿಶಾಖಪಟ್ಟಣಂನಲ್ಲಿ ನಡೆಯುತ್ತಿರುವ ಇಂಗ್ಲೆಂಡ್ ವಿರುದ್ಧದ ದ್ವಿತೀಯ ಟೆಸ್ಟ್ ಪಂದ್ಯದಲ್ಲಿ ಇಂಗ್ಲೆಂಡ್ ಆಟಗಾರ ಹಸೀಬ್ ಹಮೀದ್ ರನ್ನು ಧೋನಿ ರೀತಿಯಲ್ಲಿ ಸ್ಟಂಪ್ ಮಾಡುವ ಮೂಲಕ ಗಮನ ಸೆಳೆದಿದ್ದು ವಿಡಿಯೋ ವೈರಲ್ ಆಗಿದೆ.
21ನೇ ಓವರ್ ನಲ್ಲಿ ರವೀಂದ್ರ ಜಡೇಜಾ ಅವರ ಎಸೆತದಲ್ಲಿ ರೂಟ್ ಎಗ್ ಸೈಡ್ ನಲ್ಲಿ ಚೆಂಡನ್ನು ಸಿಡಿಸುತ್ತಾರೆ. ಈ ವೇಳೆ ಎರಡನೇ ರನ್ ಪಡೆಯಲು ಮುಂದಾಗುತ್ತಾರೆ ರೂಟ್ ಅಷ್ಟರಲ್ಲಿ ಫೀಲ್ಡರ್ ಚೆಂಡನ್ನು ಎಸೆದಿದ್ದರಿಂದ ಹಮೀದ್ರನ್ನು ಹಿಂದಕ್ಕೆ ಹೋಗುವಂತೆ ಹೇಳುತ್ತಾರೆ ಆದರೆ ಅಷ್ಟರಲ್ಲಾಗಲೇ ವೃದ್ಧಿಮಾನ್ ಸಹಾ ತಮ್ಮ ಚಾಣಾಕ್ಷ ನಡೆಯಿಂದಾಗಿ ಹಿಂಬದಿಯಾಗಿ ಚೆಂಡನ್ನು ವಿಕೆಟ್ ಗೆ ಹೊಡೆಯುತ್ತಾರೆ. ಅಂಪೈರ್ ಔಟ್ ಎಂಬ ತೀರ್ಪು ನೀಡುತ್ತಾರೆ.
ಎಂಎಸ್ ಧೋನಿ ತಮ್ಮ ಚಾಣಾಕ್ಷ ನಡೆಗಳಿಂದ ಕೀಪಿಂಗ್ ನಲ್ಲಿ ಉತ್ತಮ ಹೆಸರನ್ನು ಮಾಡಿದ್ದು, ಇದೀಗ ಧೋನಿ ಸ್ಥಾನವನ್ನು ತುಂಬಲು ಯೋಗ್ಯವಾದ ವಿಕೆಟ್ ಕೀಪರ್ ಸಿಕ್ಕಿದಂತಾಗಿದೆ.