ಕಾನ್ಪುರ: ಟೀಂ ಇಂಡಿಯಾ ಪರ ಚೊಚ್ಚಲ ಅಂತಾರಾಷ್ಟ್ರೀಯ ಟಿ20 ಪಂದ್ಯವನ್ನಾಡಿದ ಜಮ್ಮ ಮತ್ತು ಕಾಶ್ಮೀರದ ಆಟಗಾರ ಪರ್ವೇಜ್ ರಸೂಲ್ ರಾಷ್ಟ್ರಗೀತೆ ಗಾಯನದ ವೇಳೆ ಚೂಯಿಂಗ್ ಗಮ್ ಜಗಿದು ಅಸಭ್ಯ ವರ್ತನೆ ತೋರಿದ್ದಾರೆ. 

ಕಾನ್ಪುರದಲ್ಲಿ ಇಂಗ್ಲೆಂಡ್ ವಿರುದ್ಧ ನಡೆದ ಮೊದಲ ಟಿ20 ಪಂದ್ಯಕ್ಕೂ ಮುನ್ನ ರಾಷ್ಟ್ರಗೀತೆ ಗಾಯನದ ವೇಳೆ ಇತರ ಆಟಗಾರರು ಹಾಡಿ ಗೌರವ ಸಲ್ಲಿಸುತ್ತಿದ್ದರೆ ರಸೂಲ್ ಬಾಯಲ್ಲಿ ಚೂಯಿಂಗ್ ಗಮ್ ಜಗಿಯುತ್ತಿದ್ದರು. ಪಂದ್ಯದ ನೇರ ಪ್ರಸಾರವನ್ನು ಮಾಡುತ್ತಿದ್ದ ಚಾನೆಲ್ ನಲ್ಲೂ ಈ ದೃಶ್ಯ ಪ್ರಸಾರಗೊಂಡಿತ್ತು. ರಸೂಲ್ ತಮ್ಮ ಅಸಭ್ಯ ವರ್ತನೆಯಿಂದ ಇದೀಗ ಟೀಕಾಕಾರರ ಕೆಂಗಣ್ಣಿಗೂ ಗುರಿಯಾಗಿದ್ದಾರೆ. 

ದೇಶಾದ್ಯಂತ 68ನೇ ಗಣರಾಜ್ಯೋತ್ಸವ ಸಂಭ್ರಮಾಚರಣೆಯಲ್ಲಿ ತೊಡಗಿತ್ತು. ಮಕ್ಕಳಿಂದ ಹಿಡಿದು ದೊಡ್ಡವರವರೆಗೆ ಜನ ಗಣ ಮನ ಎಂದು ಜಪಿಸುತ್ತಿದ್ದರೇ ರಸೂಲ್ ಮಾತ್ರ ರಾಷ್ಟ್ರಗೀತೆ ವೇಳೆ ಚೂಯಿಂಗ್ ಗಮ್ ಜಗಿದು ಸಿಕ್ಕಿಬಿದ್ದಿದ್ದಾರೆ. ಈ ವಿಡಿಯೋ ಇದೀಗ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿದ್ದು ಹಲವರ ಟೀಕೆಗೆ ಗುರಿಯಾಗಿದ್ದಾರೆ.