ಲಂಡನ್: ಪಾಕಿಸ್ತಾನದ ತಂಡದ ಶೋಯೆಬ್ ಮಲಿಕ್ ಇದೀಗ ವಿವಾದಕ್ಕೆ ಸಿಲುಕಿದ್ದಾರೆ.
ಶೋಯೆಬ್ ಮಲಿಕ್ ಟ್ವೀಟರ್ ನಲ್ಲಿ ಟೀಂ ಇಂಡಿಯಾದ ವೇಗಿ ಮೊಹಮ್ಮದ್ ಶಮಿ ಬಗ್ಗೆ ಮಾತನಾಡುವಾಗ ಮುಸ್ಲಿಂ ಎನ್ನುವ ಪದ ಬಳಕೆ ಮಾಡಿದ್ದೇ ವಿವಾದಕ್ಕೆ ಕಾರಣವಾಗಿದೆ.
ಟ್ವೀಟರ್ ಕಾರ್ಯಕ್ರಮದಲ್ಲಿ ಮಲಿಕ್ ಅಭಿಮಾನಿಗಳ ಪ್ರಶ್ನೆಗೆ ಮಲಿಕ್ ಉತ್ತರಿಸಬೇಕಿತ್ತು. ಇಲ್ಲಿ ಒಬ್ಬ ಅಭಿಮಾನಿ ಭಾರತದ ಬೆಸ್ಟ್ ಬೌಲರ್ ಯಾರು? ಎಂದು ಕೇಳಿದ್ದಾರೆ. ಇದಕ್ಕೆ ಮಲಿಕ್ ಮೊಹಮ್ಮದ್ ಶಮಿ ಹೆಸರು ಹೇಳಿದ್ದಾರೆ. ಇದಕ್ಕೆ ಮುಸ್ಲಿಂ ಎನ್ನುವ ಕಾರಣ ಅಲ್ಲ ಎಂದು ಇದೇ ವೇಳೆ ಅವರು ಸ್ಪಷ್ಟನೆ ನೀಡಿದ್ದಾರೆ. ಈ ನಡುವೆ ಧರ್ಮದ ಹೆಸರು ಪ್ರಸ್ತಾಪಿಸಿದ್ದಕ್ಕೆ ಹಲವರು ಆಕ್ಷೇಪ ವ್ಯಕ್ತಪಡಿಸಿದ್ದಾರೆ.