ವೆಲ್ಲಿಂಗ್ಟನ್(ನ್ಯೂಜಿಲೆಂಡ್): 2019ರ ಏಕದಿನ ವಿಶ್ವಕಪ್‌ವರೆಗೂ ಟೀಂ ಇಂಡಿಯಾ ಮಾಜಿ ನಾಯಕ ಎಂಎಸ್ ಧೋನಿ ಅವರ ಕ್ರಿಕೆಟ್ ವೃತ್ತಿ ಬದುಕು ಮುಂದೂವರಿಯಲಿ ಎಂದು ಮಾಜಿ ನ್ಯೂಜಿಲೆಂಡ್ ಕ್ರಿಕೆಟಿಗ ಸ್ಟೀಫನ್ ಫ್ಲೆಮಿಂಗ್ ಹೇಳಿದ್ದಾರೆ. 

35 ವರ್ಷದ ಎಂಎಸ್ ಧೋನಿ ಕಳೆದ ಜನವರಿಯಿಂದ ಆಡಿರುವ 13 ಏಕದಿನ ಪಂದ್ಯಗಳ ಪೈಕಿ 34.07ರ ಸರಾಸರಿಯಲ್ಲಿ 443 ರನ್ ಗಳಿಸಿದ್ದಾರೆ. ಆದರೆ ಅವರ ವೃತ್ತಿ ಜೀವನದ ಸರಾಸರಿ 51ಕ್ಕೆ ಹೋಲಿಸಿದರೆ ಇದು ಕಡಿಮೆಯೇ. ಹೀಗಾಗಿ ಅವರ ಬ್ಯಾಟಿಂಗ್ ವೈಪಲ್ಯ ಕುರಿತಂತೆ ಟೀಕೆಗಳು ಕೇಳಿಬರುತ್ತಿದ್ದು ಈ ಬಗ್ಗೆ ಧೋನಿ ಎಚ್ಚೆತ್ತುಕೊಳ್ಳಬೇಕಿದೆ ಎಂದರು.

ಇನ್ನೊಂದೆಡೆ ಇಂಡಿಯನ್ ಪ್ರಿಮಿಯರ್ ಲೀಗ್ (ಐಪಿಎಲ್)ನಲ್ಲಿ ಇತರ ಆಟಗಾರರಾದ ರಿಷಭ್ ಪಂತ್, ಕೆಎಲ್ ರಾಹುಲ್, ದಿನೇಶ್ ಕಾರ್ತಿಕ್ ಮತ್ತು ವೃದ್ಧಿಮಾನ್ ಸಾಹಾ ಅದ್ಭುತ ಪ್ರದರ್ಶನ ನೀಡುತ್ತಿದ್ದು ಧೋನಿಗೆ ಪ್ರತಿಸ್ಪರ್ಧಿಗಳು ಹೆಚ್ಚಾಗಿರುವ ಬಗ್ಗೆ ಅರಿವಾಗಿದೆ ಎಂದು ಐಪಿಎಲ್ ನಲ್ಲಿ ಧೋನಿ ಜತೆ ಕೆಲಸ ಮಾಡಿರುವ ಫ್ಲೇಮಿಂಗ್ ಹೇಳಿದ್ದಾರೆ.