ಧರ್ಮಶಾಲಾ: ಹಿಮಾಚಲ ಪ್ರದೇಶದ ಆರಂಭಿಕ ಆಟಗಾರ ಪ್ರಶಾಂತ್ ಚೋಪ್ರಾ ತಮ್ಮ 25ನೇ ಹುಟ್ಟುಹಬ್ಬದ ದಿನವೇ ತ್ರಿಶತಕ ಸಿಡಿಸಿದ ಸಾಧನೆ ಮಾಡಿದ್ದಾರೆ. 

ರಣಜಿ ಪಂದ್ಯದಲ್ಲಿ ಪಂಜಾಬ್ ವಿರುದ್ಧ ಪ್ರಶಾಂತ್ ಚೋಪ್ರಾ 338 ರನ್ ಬಾರಿಸಿ ಮಿಂಚಿದರು. ಧರ್ಮಾಶಾಲಾದಲ್ಲಿ ನಡೆಯುತ್ತಿರುವ ಈ ರಣಜಿ ಪಂದ್ಯದ ಮೊದಲ ದಿನ ಪ್ರಶಾಂತ್ 271 ರನ್ ಬಾರಿಸಿ ಬ್ಯಾಟಿಂಗ್ ಕಾಯ್ದುಕೊಂಡಿದ್ದರು. ದ್ವಿತೀಯ ದಿನ ತ್ರಿಶತಕದ ಅಭಿಯಾನ ಪೂರ್ತಿಗೊಳಿಸಿದರು. 

ಪ್ರಥಮ ದರ್ಜೆ ಕ್ರಿಕೆಟ್ ನಲ್ಲಿ ಜನ್ಮದಿನದಂದೇ ತ್ರಿಶತಕ ಸಿಡಿಸಿದ ಕೇವಲ 3ನೇ ಅದೃಷ್ಟಶಾಲಿಯಲ್ಲಿ ಪ್ರಶಾಂತ್ ಚೋಪ್ರಾ 2ನೇ ಭಾರತೀಯ ಆಟಗಾರನಾಗಿದ್ದಾರೆ. 

ಇನ್ನು ರಣಜಿ ಇತಿಹಾಸದಲ್ಲಿ 300 ರನ್ ದಾಖಲಿಸಿದ 41ನೇ ಆಟಗಾರನಾಗಿ ಪ್ರಶಾಂತ್ ಚೋಪ್ರಾ ಹೊರಹೊಮ್ಮಿದ್ದಾರೆ.