ಪುಣೆ: ಟೀಂ ಇಂಡಿಯಾ ಹಾಗೂ ನ್ಯೂಜಿಲೆಂಡ್ ವಿರುದ್ಧದ ಎರಡನೇ ಏಕದಿನ ಪಂದ್ಯದಲ್ಲಿ ನ್ಯೂಜಿಲೆಂಡ್ 9 ವಿಕೆಟ್ ನಷ್ಟಕ್ಕೆ 230 ರನ್ ಪೇರಿಸಿದೆ. 

ಪುಣೆಯ ಮಹಾರಾಷ್ಟ್ರ ಕ್ರಿಕೆಟ್ ಅಸೋಸಿಯೇಷನ್ ಕ್ರೀಡಾಂಗಣದಲ್ಲಿ ನಡೆಯುತ್ತಿರುವ ಎರಡನೇ ಪಂದ್ಯದಲ್ಲಿ ಟಾಸ್ ಗೆದ್ದು ಮೊದಲು ಬ್ಯಾಟಿಂಗ್ ಮಾಡಿದ ನ್ಯೂಜಿಲೆಂಡ್ ನಿಗದಿತ ಓವರ್ ಮುಕ್ತಾಯಕ್ಕೆ 9 ವಿಕೆಟ್ ನಷ್ಟಕ್ಕೆ 230 ರನ್ ಪೇರಿಸಿದ್ದು ಟೀಂ ಇಂಡಿಯಾಗೆ 231 ರನ್ ಗಳ ಗುರಿ ನೀಡಿದೆ. 

ನ್ಯೂಜಿಲೆಂಡ್ ಪರ ಗುಪ್ಟಿಲ್ 11, ಮನ್ರೋ 10, ಕೇನ್ ವಿಲಿಯಮ್ಸನ್ 3, ರಾಸ್ ಟೇಲರ್ 21, ಲಾಥಮ್ 38, ನಿಕೋಲ್ಸ್ 42, ಗ್ರಾಂಡ್ ಹೊಮ್ನೆ 41, ಸ್ಯಾಂಟ್ನರ್ 29 ಮತ್ತು ಸೌಥಿ ಅಜೇಯ 25 ರನ್ ಗಳಿಸಿದ್ದಾರೆ. 

ಭಾರತ ಪರ ಭುವನೇಶ್ವರ್ ಕುಮಾರ್ 3, ಬೂಮ್ರಾ ಮತ್ತು ಚಹಾಲ್ ತಲಾ 2, ಹಾರ್ದಿಕ್ ಪಾಂಡ್ಯ ಮತ್ತು ಅಕ್ಷರ್ ಪಟೇಲ್ ತಲಾ 1 ವಿಕೆಟ್ ಪಡೆದಿದ್ದಾರೆ.