ಮುಂಬೈ: ಪ್ರವಾಸಿ ವೆಸ್ಟ್ ಇಂಡೀಸ್ ವಿರುದ್ಧದ ನಾಲ್ಕನೇ ಏಕದಿನ ಪಂದ್ಯದಲ್ಲಿ ರವೀಂದ್ರ ಜಡೇಜಾ ಹಾಗೂ ವಿರಾಟ್ ಕೊಹ್ಲಿ ಚೆಂಡನ್ನು ಹಿಡಿಯಲು ತಾ ಮುಂದು ನಾ ಮುಂದು ಅಂತ ಓಡಿರುವ ವಿಡಿಯೋ ವೈರಲ್ ಆಗಿತ್ತು. 2018ರ ಮಟ್ಟಿಗೆ ಬಿಸಿಸಿಐನ ವೆಬ್ ಸೈಟ್ ನಲ್ಲಿ ಅತೀ ಹೆಚ್ಚು ವೀಕ್ಷಣೆ ಕಂಡ ವಿಡಿಯೋ ಇದಾಗಿದೆ.

ಮುಂಬೈನಲ್ಲಿ ನಡೆದ ನಾಲ್ಕನೇ ಏಕದಿನ ಪಂದ್ಯದಲ್ಲಿ ಟೀಂ ಇಂಡಿಯಾ ಭರ್ಜರಿ ಜಯ ಗಳಿಸಿತ್ತು. ಈ ಪಂದ್ಯದಲ್ಲಿ ವೆಸ್ಟ್ ಇಂಡೀಸ್ ಬ್ಯಾಟಿಂಗ್ ವೇಳೆ ಮೊದಲ ಓವರ್ ನಲ್ಲೇ ರವೀಂದ್ರ ಜಡೇಜಾ ಹಾಗೂ ವಿರಾಟ್ ಕೊಹ್ಲಿ ಇಬ್ಬರು ಚೆಂಡನ್ನು ಹಿಡಿಯಲು ತಾವಿಬ್ಬರು ಜಿದ್ದಿಗೆ ಬಿದ್ದಂತೆ ಓಡಿದ್ದರು. ಇಲ್ಲಿ ಜಡೇಜಾರ ವೇಗ ಕಂಡು ಕೊನೆಗೆ ಕೊಹ್ಲಿಯೇ ಸುಮ್ಮನಾದರು. ಡೈವ್ ಮಾಡಿ ಚೆಂಡನ್ನು ಹಿಡಿದ ಜಡೇಜಾ ಚೆಂಡನ್ನು ಕೊಹ್ಲಿ ಕೈಗೆ ಎಸೆದರು. 

ಕೊಹ್ಲಿ ಚೆಂಡನ್ನು ಕೀಪರ್ ಗೆ ಎಸೆದಿದ್ದು ಇಬ್ಬರು ಸೇರಿ ಓಡಿ ಬೌಂಡರಿಗೆ ಹೋಗುತ್ತಿದ್ದ ಚೆಂಡನ್ನು ಹಿಡಿದಿದ್ದು ಎರಡು ರನ್ ಅನ್ನು ಸೇವ್ ಮಾಡಿದ್ದಾರೆ. ಇನ್ನು ಆಟಗಾರರ ರನ್ನಿಂಗ್ ರೇಸ್ ವಿಡಿಯೋ ವೈರಲ್ ಆಗಿತ್ತು.