ಜೋಹಾನ್ಸ್ ಬರ್ಗ್: ನ್ಯೂ ವಾಂಡರ್ಸ್ ಕ್ರೀಡಾಂಗಣದಲ್ಲಿ ನಡೆದ ಮೊದಲ ಟಿ20 ಪಂದ್ಯದಲ್ಲಿ ಭಾರತ ದಕ್ಷಿಣ ಆಫ್ರಿಕಾ ವಿರುದ್ಧ 28 ರನ್ ಗಳ ಜಯ ಗಳಿಸಿದೆ.
ಮೊದಲು ಬ್ಯಾಟಿಂಗ್ ಮಾಡಿದ ಭಾರತವ್ ದಕ್ಷಿಣ ಆಫ್ರಿಕಾಗೆ 204 ರನ್ ಗಳ ಗುರಿ ನೀಡಿತ್ತು, ಬೌಲಿಂಗ್ ನಲ್ಲಿ ಪ್ರಾಬಲ್ಯ ಸಾಧಿಸಿದ ಭಾರತ ದಕ್ಷಿಣ ಆಫ್ರಿಕಾವನ್ನು ನಿಗದಿತ 20 ಓವರ್ ಗಳಿಗೂ ಮುನ್ನವೇ 175 ರನ್ ಗಳಿಗೆ ಕಟ್ಟಿ ಹಾಕುವಲ್ಲಿ ಯಶಸ್ವಿಯಾಗಿ ಮೊದಲ ಪಂದ್ಯವನ್ನು ಗೆದ್ದಿದೆ.
ಭಾರತದ ಪರ ಶಿಖರ್ ಧವನ್ 72 ರನ್ ಗಳಿಸಿ ಭಾರತವ್ ಹೆಚ್ಚು ಮೊತ್ತವನ್ನು ಕಲೆಹಾಕುವುದಕ್ಕೆ ನೆರವಾದರು. ಇನ್ನು ದಕ್ಷಿಣ ಆಫ್ರಿಕಾವನ್ನು 28 ರನ್ ಗಳಿಂದ ಮಣಿಸುವಲ್ಲಿ 24 ರನ್ ನೀಡಿ 5 ವಿಕೆಟ್ ಗಳಿಸಿದ ಭಾರತದ ಬೌಲಿಂಗ್ ವಿಭಾಗದಲ್ಲಿ ಭುವನೇಶ್ವರ್ ಕುಮಾರ್ ಮಹತ್ವದ ಪಾತ್ರ ವಹಿಸಿದರು, ಜಯದೇವ್ ಉನದ್ಕತ್, ಹಾರ್ದಿಕ್ ಪಾಂಡ್ಯ, ಯಜುವೇಂದ್ರ ಚಹಾಲ್ ತಲಾ ಒಂದು ವಿಕೆಟ್ ಪಡೆದರು