ಲೀಡ್ಸ್(ಇಂಗ್ಲೆಂಡ್): ಭಾರತ-ಇಂಗ್ಲೆಂಡ್ ನಡುವಣ ಮೂರನೇ ಏಕದಿನ ಪಂದ್ಯ ಮಂಗಳವಾರ ನಡೆಯಲಿದ್ದು ಟಾಸ್ ಗೆದ್ದ ಆಂಗ್ಲ ಪಡೆ ಮೊದಲು ಫೀಲ್ಡಿಂಗ್ ಆಯ್ದುಕೊಂಡಿದೆ.

ಮೂರು ಪಂದ್ಯಗಳ ಏಕದಿನ ಸರಣಿಯಲ್ಲಿ ಎರಡೂ ತಂಡಗಳು ತಲಾ ಒಂದೊಂದು ಜಯ ಗಳಿಸಿದ್ದು ಈ ಪಂದ್ಯ ನಿರ್ಣಾಯಕ ಪಂದ್ಯವಾಗಿದೆ. ಒಂದು ವೇಳೆ ಟೀಂಇಂಡಿಯಾ ಈ ಪಂದ್ಯ ಗೆದ್ದದ್ದಾದರೆ ಸರಣಿ ಜಯವಷ್ಟೇ ಅಲ್ಲ ಕಳೆದ 3 ವರ್ಷಗಳಿಂದ ತಾನು ಮುಂದುವರೆಸಿಕೊಂಡು ಬಂದಿರುವ ದಾಖಲೆ ಉತ್ತಮ ಪಡಿಸಿಕೊಳ್ಳುವ ಮಹತ್ವದ ಅವಕಾಶ ತನ್ನದಾಗಿಸಿಕೊಳ್ಳಲಿದೆ.

ಇದೇ ವೇಳೆ ಕ್ರಿಕೆಟ್ ಕಾಶಿ ಲಾರ್ಡ್ಸ್ ನಲ್ಲಿನ ಗೆಲುವಿನಿಂದ ಇಂಗ್ಲೆಂಡ್‌ ತಂಡದ ಉತ್ಸಾಹ ಇಮ್ಮಡಿಯಾಗಿದ್ದು ಈ ಪಂದ್ಯವನ್ನೂ ಜಯಿಸಿ ನಂ.1 ಸ್ಥಾನಕ್ಕೆ ಇನ್ನಷ್ಟು ಸನಿಹಕ್ಕೆ ಬರಲು ಇಯಾನ್ ಮಾರ್ಗನ್ ಪಡೆ ಹವಣಿಸಿದೆ.

ಇತ್ತ ಕೊಹ್ಲಿ ಪಡೆ ಸಹ ಈ ಪಂದ್ಯ ಗೆಲ್ಲುವ ಮೂಲಕ ಮುಂದಿನ ವರ್ಷದ ವಿಶ್ವಕಪ್ ಗೆ ಉತ್ತಮ ಪೂರ್ವ ತಯಾರಿ ನಡೆಸುವ ಉಮೇದಿನಲ್ಲಿದೆ.