ನವದೆಹಲಿ: ಇಂಡಿಯನ್ ಪ್ರಿಮಿಯರ್ ಲೀಗ್(ಐಪಿಎಲ್) ಬಳಿಕ ಟೀಂ ಇಂಡಿಯಾ ಆರಂಭಿಕ ಆಟಗಾರ ರೋಹಿತ್ ಶರ್ಮಾ ಪತ್ನಿ ರಿತಿಕಾ ಜೊತೆ ಅಮೆರಿಕ ಪ್ರವಾಸಕ್ಕೆ ತೆರಳಿದ್ದಾರೆ. 

ಅಮೆರಿಕ ಪ್ರವಾಸದಲ್ಲಿರುವ ರೋಹಿತ್ ಶರ್ಮಾರನ್ನು ಅಲ್ಲಿನ ಪ್ರತಿಷ್ಠಿತ ಸಿಯಾಟಲ್ ಮರಿನರ್ಸ್ ಬೇಸ್ ಬಾಲ್ ತಂಡ ಪಂದ್ಯಕ್ಕೆ ಆಗಮಿಸುವಂತೆ ಆಹ್ವಾನ ನೀಡಿತ್ತು. ಪಂದ್ಯದ ಆರಂಭ ಸೂಚಿಸುವ 'ಫಸ್ಟ್ ಪಿಚ್' (ಮೊದಲ ಎಸೆತ) ಎಸೆಯುವ ಅವಕಾಶವನ್ನು ರೋಹಿತ್ ಶರ್ಮಾ ಗೆ ಕಲ್ಪಿಸಲಾಗಿತ್ತು. 

ಈ ವೇಳೆ ಚೆಂಡನ್ನು ರೋಹಿತ್ ಶರ್ಮಾ ಕ್ಯಾಚರ್ ಗೆ ಸರಿಯಾಗಿ ಎಸೆಯದೆ ಎಡವಟ್ಟು ಮಾಡಿದ್ದಾರೆ. ಕ್ರಿಕೆಟ್ ನಲ್ಲಿ ವಿಕೆಟ್ ನತ್ತ ಚೆಂಡನ್ನು ಎಸೆಯುವ ರೀತಿ ಕ್ಯಾಚರ್ ಗೆ ಬೇಸ್ ಬಾಲ್ ಎಸೆಯಬೇಕಿತ್ತು. ಆದರೆ ರೋಹಿತ್ ವಿಫಲರಾದರು. ಈ ಕುರಿತು ಸಾಮಾಜಿಕ ಜಾಲತಾಣಗಳಲ್ಲಿ ಅಭಿಮಾನಿಗಳುಗ ರೋಹಿತ್ ಕಾಲೆಳೆದಿದ್ದಾರೆ.