ಮುಂಬೈ: ಇಂಡಿಯನ್ ಪ್ರಿಮಿಯರ್ ಲೀಗ್(ಐಪಿಎಲ್) 11ನೇ ಆವೃತ್ತಿಯಲ್ಲಿ ಚೆನ್ನೈ ಸೂಪರ್ ಕಿಂಗ್ಸ್ ತಂಡ ಸನ್ ರೈಸರ್ಸ್ ಹೈದರಾಬಾದ್ ವಿರುದ್ಧ ಗೆಲುವು ಸಾಧಿಸುವ ಮೂಲಕ ಫೈನಲ್‌ಗೆ ಲಗ್ಗೆ ಇಟ್ಟಿದೆ. 

ಮುಂಬೈನಲ್ಲಿ ನಡೆದ ಮೊದಲನೇ ಕ್ವಾಲಿಫೈಯರ್ ಪಂದ್ಯದಲ್ಲಿ ಮೊದಲು ಬ್ಯಾಟಿಂಗ್ ಮಾಡಿದ ಹೈದರಾಬಾದ್ ತಂಡ ನಿಗದಿತ ಓವರ್ ನಲ್ಲಿ 7 ವಿಕೆಟ್ ನಷ್ಟಕ್ಕೆ 139 ರನ್ ಗಳಿಸಿತು. 140 ರನ್ ಗಳ ಅಲ್ಪಮೊತ್ತವನ್ನು ಬೆನ್ನಟ್ಟಿದ ಚೆನ್ನೈ ತಂಡಕ್ಕೆ ಹೈದರಾಬಾದ್ ಬೌಲರ್ ಗಳು ಮಾರಕವಾಗಿ ಪರಿಣಮಿಸಿದರು. ಇನ್ನೇನು ಸೋಲಿನ ಹಂತಕ್ಕೆ ತಲುಪಿದ್ದ ತಂಡವನ್ನು ಡುಪ್ಲೇಸಿಸ್ ಸ್ಫೋಟಕ ಬ್ಯಾಟಿಂಗ್ ಮಾಡಿ ಗೆಲುವಿಗೆ ಕಾರಣರಾದರು.

ಹೈದರಾಬಾದ್ ಪರ ಶಿಖರ್ ಧವನ್ 0, ಕೇನ್ ವಿಲಿಯಮ್ಸನ್ 24, ಯೂಸೆಫ್ ಪಠಾನ್24, ಬ್ರಾಥ್ ವೈಟ್ 43 ರನ್ ಸಿಡಿಸಿದ್ದಾರೆ. 

ಚೆನ್ನೈ ಪರ ಡುಪ್ಲೇಸಿಸ್ 67, ಸುರೇಶ್ ರೈನಾ 22, ಶಾರ್ದೂಲ್ ಠಾಕೂರ್ ಅಜೇಯ 15 ರನ್ ಸಿಡಿಸಿದ್ದಾರೆ.