ರಾಜಕೋಟ್: ಪ್ರವಾಸಿ ವೆಸ್ಟ್ ಇಂಡೀಸ್ ಹಾಗೂ ಟೀಂ ಇಂಡಿಯಾ ನಡುವಿನ ಮೊದಲ ಟೆಸ್ಟ್ ಪಂದ್ಯ ರಾಜಕೋಟ್ ನಲ್ಲಿ ನಡೆಯುತ್ತಿದ್ದು ಟೀಂ ಇಂಡಿಯಾ ಬ್ಯಾಟಿಂಗ್ ಮಾಡುತ್ತಿದೆ.
ಸೌರಾಷ್ಟ್ರ ಕ್ರಿಕೆಟ್ ಅಸೋಸಿಯೇಷನ್ ಕ್ರೀಡಾಂಗಣದಲ್ಲಿ ನಡೆಯುತ್ತಿರುವ ಟೆಸ್ಟ್ ಪಂದ್ಯದಲ್ಲಿ ಟೀಂ ಇಂಡಿಯಾ ಪರ ಬ್ಯಾಟಿಂಗ್ ಮಾಡುತ್ತಿದ್ದ ಚೇತೇಶ್ವರ ಪೂಜಾರ ಅವರು ವಿರಾಮ ಇಲ್ಲದಿದ್ದರು ಆಟದ ಮಧ್ಯೆ ಚಿಕ್ಕ ಬಾಟಲಿನಲ್ಲಿ ನೀರು ಕುಡಿದಿರುವುದು ಕ್ರೀಡಾಂಗಣದಲ್ಲಿದ್ದ ಪ್ರೇಕ್ಷಕರು ಹಾಗೂ ಕಾಮೆಂಟೆಟರ್ಸ್ ಗಳ ದಂಗಾಗುವಂತೆ ಮಾಡಿದೆ.
ಈ ಹಿಂದೆ ವಿರಾಮದ ವೇಳೆ ನೀರು ಅಥವಾ ಕೂಲ್ ಡ್ರಿಂಕ್ಸ್ ಕುಡಿಯುವುದು ಸಾಮಾನ್ಯ. ಆದರೆ ಆಟದ ಮಧ್ಯೆಯೇ ತಮ್ಮ ದೇಹವನ್ನು ತಂಪಾಗಿಡಲು ಪೂಜಾರ ಚಿಕ್ಕದಾದ ನೀರು ಬಾಟಲ್ ಅನ್ನು ತಮ್ಮ ಜೇಬಿನಲ್ಲಿ ತಂದಿದ್ದು ಆಶ್ಚರ್ಯಕ್ಕೆ ಕಾರಣವಾಗಿತ್ತು.
ಇನ್ನು ಆಟದ ಮಧ್ಯೆ ಬೌಂಡರಿ ಗೆರೆಯಲ್ಲಿ ಫೀಲ್ಡಿಂಗ್ ಮಾಡುವವರು ನೀರು ಅಥವಾ ಡ್ರಿಂಕ್ಸ್ ಕುಡಿಯುತ್ತಾರೆ. ಆದರೆ ಬ್ಯಾಟಿಂಗ್ ಮಾಡುವಾಗ ನೀರು ಕುಡಿದಿರುವುದು ಇದೇ ಮೊದಲು. ಇದಕ್ಕೆ ಕ್ರಿಕೆಟ್ ಪಂಡಿತರು ಏನು ಹೇಳುತ್ತಾರೆ ನೋಡಬೇಕು.