ಮುಂಬೈ ನಲ್ಲಿ ನಡೆದ ವೆಸ್ಟ್  ಇಂಡೀಸ್ ಪಂದ್ಯದಲ್ಲಿ162 ರನ್ ಗಳ ಪೇರಿಸಿದ ರೋಹಿತ್ ಶರ್ಮಾ ಅವರ ಆಟಕ್ಕೆ ಅಭಿಮಾನಿಗಳು ಫಿದಾ ಆಗಿದ್ದರು. 

ವೆಸ್ಟ್ ಇಂಡೀಸ್ ಬ್ಯಾಟಿಂಗ್ ಆಡುತ್ತಿದ್ದ ವೇಳೆ ರೋಹಿತ್ ಶರ್ಮಾ ಅವರು ಫೀಲ್ಡಿಂಗ್ ಮಾಡುತ್ತಿದ್ದಾಗ ಅಭಿಮಾನಿಗಳು ರೋಹಿತ್.... ರೋಹಿತ್ ಎಂದು ಕೂಗುತ್ತಿದ್ದರು. ಈ ವೇಳೆ ಅಭಿಮಾನಿಗಳಿಗೆ ಸ್ಪಂದಿಸಿದ ರೋಹಿತ್ ಶರ್ಮಾ ತಮ್ಮ ಜರ್ಸಿಯಲ್ಲಿ ಬರೆದಿದ್ದ ಇಂಡಿಯಾ ಪದವನ್ನು ತೋರಿಸಿ  ನನ್ನ ಹೆಸರು ಕೂಗುವ ಬದಲು ಇಂಡಿಯಾ ಎಂದು ಕೂಗಿ ಎಂಬ ಸಂದೇಶ ನೀಡಿದರು. 

ಅಭಿಮಾನಿಗಳು ನೆಚ್ಚಿನ ಕ್ರಿಕೆಟರ್ ಹೇಳುತ್ತಿದ್ದಂತೆಯೇ ರೋಹಿತ್ ಎಂಬ ಕೂಗನ್ನು ನಿಲ್ಲಿಸಿ ತಕ್ಷಣವೇ ಇಂಡಿಯಾ ಎಂದು ಕೂಗುವುದಕ್ಕೆ ಪ್ರಾರಂಭಿಸಿದರು. ರೋಹಿತ್ ಶರ್ಮಾ ಅವರ ಈ ನಡೆಗೆ ಸಾಮಾಜಿಕ ಜಾಲತಾಣಗಳಲ್ಲಿ ಮೆಚ್ಚುಗೆ ವ್ಯಕ್ತವಾಗುತ್ತಿದ್ದು, ರೋಹಿತ್ ಶರ್ಮಾ ದೇಶಪ್ರೇಮವನ್ನು ಕಂಡು ಕ್ರಿಕೆಟ್ ಅಭಿಮಾನಿಗಳು ಮತ್ತಷ್ಟು ಸಂತಸಗೊಂಡಿದ್ದಾರೆ.