ದುಬೈ: ಟೀಂ ಇಂಡಿಯಾ ವಿರುದ್ಧದ ಪಂದ್ಯದಲ್ಲಿ ಪಾಕಿಸ್ತಾನ ಸೋತಿರಬಹುದು ಆದರೆ, ಪಂದ್ಯದ ವೇಳೆ ಪಾಕ್ ಆಟಗಾರ ಶೋಯಬ್ ಮಲಿಕ್ ರನ್ನು ಭಾರತೀಯ ಕ್ರೀಡಾಭಿಮಾನಿಗಳು ಭಾವ, ಭಾವ ಎಂದು ಕೂಗಿ ಕರೆದಿರುವ ವಿಡಿಯೋ ಇದೀಗ ವೈರಲ್ ಆಗಿದೆ. 

ಏಷ್ಯಾಕಪ್ ಕ್ರಿಕೆಟ್ ಟೂರ್ನಿಯ ಸೂಪರ್ ಫೋರ್ ನಲ್ಲಿ ಟೀಂ ಇಂಡಿಯಾ ಹಾಗೂ ಪಾಕಿಸ್ತಾನ ತಂಡಗಳು ಸೆಣೆಸಿದ್ದವು. ಈ ಪಂದ್ಯದಲ್ಲಿ ಪಾಕಿಸ್ತಾನ 9 ವಿಕೆಟ್ ಗಳನ್ನು ಸೋಲು ಕಂಡಿದೆ. ಇನ್ನು ಅಲ್ಪಮೊತ್ತಕ್ಕೆ ಕುಸಿಯುವ ಭೀತಿಯಲ್ಲಿ ತಂಡವನ್ನು ಶೋಯಬ್ ಮಲಿಕ್ 200ರ ಗಡಿ ದಾಟುವಂತೆ ಮಾಡಿದ್ದರು. 90 ಎಸೆತಗಳಲ್ಲಿ ಮಲಿಕ್ 78 ರನ್ ಗಳಿಸಿದ್ದರು. 

ಟೀಂ ಇಂಡಿಯಾ ಪಾಕಿಸ್ತಾನ ನೀಡಿದ 238 ರನ್ ಗಳ ಗುರಿ ಬೆನ್ನಟ್ಟಿತ್ತು. ಈ ವೇಳೆ ಶೋಯಬ್ ಮಲಿಕ್ ಬೌಂಡರಿ ಗೆರೆಯಲ್ಲಿ ಫೀಲ್ಡಿಂಗ್ ಮಾಡುತ್ತಿದ್ದರು. ಸ್ಟೇಡಿಯಂನಲ್ಲಿದ್ದ ಭಾರತೀಯ ಕ್ರೀಡಾಭಿಮಾನಿಗಳು ಶೋಯಬ್ ರನ್ನು ಭಾವ...ಭಾವ(ಜೀಜು..ಜೀಜು.. ಲುಕ್ ಹಿಯರ್ ಒನ್ಸ್) ಎಂದು ಕೂಗಿ ಕರೆದಿದ್ದಾರೆ. ಈ ವಿಡಿಯೋ ಇದೀಗ ವೈರಲ್ ಆಗಿದೆ. 

ಭಾರತೀಯ ಕ್ರೀಡಾಭಿಮಾನಿಗಲು ಭಾವ...ಭಾವ..ಅಂತ ಕೂಗಿ ಕರೆದಾಗ ಅಂತ ಕಡೆ ತಿರುಗಿದ ಮಲಿಕ್ ಅಭಿಮಾನಿಗಳಿಗೆ ಖುಷಿಯಿಂದ ಕೈ ಬೀಸಿದ್ದಾರೆ.