ಭಾರತ ತಂಡದ ನಾಯಕ ಹಾಗೂ ದಾಖಲೆಗಳ ಒಡೆಯ ವಿರಾಟ್ ಕೊಹ್ಲಿ ಹೆಸರಿನಲ್ಲಿ ಅವರ ತವರು ಮೈದಾನವಾದ ದೆಹಲಿಯ ಫಿರೋಜ್ ಶಾ ಕೋಟ್ಲಾ ಅಂಗಳದಲ್ಲಿ ಒಂದು ಸ್ಟ್ಯಾಂಡ್ ಗೆ ಇವರ ಹೆಸರು ಇಡಲು ನಿರ್ಧರಿಸಲಾಗಿದೆ. 

ದೆಹಲಿ ಕ್ರಿಕೆಟ್ ಸಂಸ್ಥೆ ರವಿವಾರ ಈ ಮಾಹಿತಿಯನ್ನು ಬಹಿರಂಗ ಪಡಿಸಿದೆ. ವಿರಾಟ್ ಕೊಹ್ಲಿ 11 ವರ್ಷಗಳ ಹಿಂದೆ ಇದೇ ದಿನ ಅಂತಾರಾಷ್ಟ್ರೀಯ ಕ್ರಿಕೆಟ್ ಗೆ ಪದಾರ್ಪಣೆ ಮಾಡಿದ್ದರು. ವಿರಾಟ್ ಈ ಗೌರವಕ್ಕೆ ಪಾತ್ರರಾದ ಯುವ ಆಟಗಾರ ಎಂಬ ಹೆಗ್ಗಳಿಕೆಗೆ ಪಾತ್ರರಾಗಿದ್ದಾರೆ. 

ಕೋಟ್ಲಾ ಮೈದಾನದ ಒಂದು ಸ್ಟ್ಯಾಂಡಿಗೆ ಈ ರೀತಿ ಹೆಸರು ಇಡುತ್ತಿರುವ ಮೂರನೇ ಆಟಗಾರ ವಿರಾಟ್ ಆಗಿದ್ದಾರೆ. ಇದಕ್ಕೂ ಮೊದಲು ಬಿಶನ್ ಸಿಂಗ್ ಬೇಡಿ ಹಾಗೂ ಮೋಹಿಂದರ್ ಅಮರ್ ನಾಥ್ ಅವರ ಹೆಸರುಗಳಲ್ಲಿ ಸ್ಟ್ಯಾಂಡ್ ಗಳಿವೆ. ಈ ಇಬ್ಬರೂ ಆಟಗಾರರು ನಿವೃತ್ತಿ ಹೊಂದಿದ ಬಳಿಕ ಸ್ಟ್ಯಾಂಡ್ ಗೆ ಅವರ ಹೆಸರನ್ನು ಇಟ್ಟು ಗೌರವಿಸಲಾಗಿತ್ತು.