ಇಸ್ಲಾಮಾಬಾದ್: ಹಲವು ಯುವತಿಯೊಂದಿಗೆ ಸಂಬಂಧ ಆರೋಪದ ಹಿನ್ನೆಲೆಯಲ್ಲಿ ಪಾಕಿಸ್ತಾನದ ಲೆಜೆಂಡ್ ಇಂಜಾಮಾಮ್ ಉಲ್ ಹಕ್ ಸಂಬಂಧಿ, ವಿವಾದಾತ್ಮಕ ಆರಂಭಿಕ ಆಟಗಾರ ಇಮಾಮ್ ಉಲ್ ಹಕ್ ಕ್ಷಮೆಯಾಚಿಸಿದ್ದಾರೆ. ಪಾಕಸ್ತಾನ ಕ್ರಿಕೆಟ್ ಮಂಡಳಿ ಈ ಪ್ರಕರಣವನ್ನು ಖಂಡಿಸಿದ್ದರೂ ಆತನಿಗೆ ಯಾವುದೇ ಶಿಕ್ಷೆಗೆ ಮುಂದಾಗಿಲ್ಲ.
ವಾಟ್ಸಾಪ್ ನಲ್ಲಿ ಪಾಕ್ ಆರಂಭಿಕ ಆಟಗಾರ ಇಮಾಮ್ ಉಲ್ ಹಕ್ ಕಳುಹಿಸಿರುವ ಆಕ್ಷೇಪಾರ್ಹ ಸಂದೇಶವುಳ್ಳ ಸ್ಕ್ರೀನ್ ಶಾಟ್ ನ್ನು ಕೆಲ ಯುವತಿಯರು ಪೋಸ್ಟ್ ಮಾಡುವ ಮೂಲಕ ಆತ ತಮ್ಮನ್ನು ದಾರಿ ತಪ್ಪಿಸುತ್ತಿದ್ದಾನೆ ಎಂದು ಆರೋಪಿಸಿದ್ದರು.
ಯಾವುದೇ ಹೊಸ ಹುಡುಗಿಯ ಪರಿಚಯ ಮಾಡಿಕೊಳ್ಳುವಾಗ ಆತ ತಾನಿನ್ನೂ ಸಿಂಗಲ್ ಎಂದು ಹೇಳಿಕೊಳ್ಳುತ್ತಾನೆ. ಅಲ್ಲದೆ ತನ್ನ ಮೊಬೈಲ್ ನಲ್ಲಿರುವ ಚಾಟಿಂಗ್ ಮಾಹಿತಿಯನ್ನು ಆತ ಮುಂಜಾಗ್ರತಾ ಕ್ರಮವಾಗಿ ಡಿಲೀಟ್ ಮಾಡುತ್ತಿರುತ್ತಾನೆ. ಎಂದು ಆರೋಪಿಸಿದ ಕೆಲ ಯುವತಿಯರು ಅದರ ಸ್ಕ್ರೀನ್ ಶಾಟ್ ಸಂಗ್ರಹಿಸಿ ಟ್ವೀಟರ್ ನಲ್ಲಿ ಅಪ್ಲೋಡ್ ಮಾಡಿದ್ದರು.
ಈ ಬಗ್ಗೆ ಇಮಾಮ್ ಉಲ್ ಹಕ್ ಕ್ಷಮೆಯಾಚಿಸಿದ್ದಾರೆ. ಆದರೆ, ಇದು ಆತನ ವೈಯಕ್ತಿಕ ವಿಚಾರವಾಗಿದೆ. ಆದಾಗ್ಯೂ, ನಮ್ಮ ಆಟಗಾರರು ಉತ್ತಮ ಶಿಸ್ತು ಹಾಗೂ ನಿಯಮಗಳನ್ನು ರೂಡಿಸಿಕೊಳ್ಳುವಂತೆ ಸೂಚಿಸಿದ್ದೇವೆ ಎಂದು ಪಾಕಿಸ್ತಾನ ಕ್ರಿಕೆಟ್ ಮಂಡಳಿ ಎಂಡಿ ವಾಸೀಂ ಖಾನ್ ಹೇಳಿದ್ದಾರೆ.
ಆಟಗಾರರ ವೈಕಕ್ತಿಕ ಸಂಬಂಧಗಳ ಬಗ್ಗೆ ಪ್ರತಿಕ್ರಿಯಿಸಲು ಇಷ್ಟಪಡುವುದಿಲ್ಲ ಆದರೆ, ನಮ್ಮ ಆಟಗಾರರು ಪಾಕಿಸ್ತಾನ ಕ್ರಿಕೆಟ್ ಹಾಗೂ ಪಾಕಿಸ್ತಾನದ ರಾಯಬಾರಿಗಳಾಗಿ ಹೆಚ್ಚಿನ ಹೊಣೆ ಕಾಪಾಡಬೇಕಾಗಿದೆ. ಇಂತಹ ಘಟನೆ ಮರುಕಳಿಸುವುದಿಲ್ಲ ಎಂಬ ವಿಶ್ವಾಸ ಹೊಂದಿರುವುದಾಗಿ ಅವರು ಹೇಳಿದ್ದಾರೆ.